Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Түркістан облыстық аумақтық инспекциясы өсімдікті қорғау бөлімінің жетекшісі Т.Елғонов Арыс қаласының 36,8 мың гектар аумағы биыл шегірткенің ең ірі ошағы ретінде анықталып отырғанын айтады. Жайылымдық жерлердегі зиянкестердің таралуының алдын алу мақсатында химиялық күрес шаралары жүргізілуде. Қазір 20 техника аумақты химиялық дәрілеуге жұмылдырылған. Бұл жұмыстарды «Өсімдік қорғау» ЖШС-нің мамандары атқаруда.
Сондай-ақ бірнеше жыл бойы ошақтары анықталған Келес ауданында да шегірткенің қаптау мүмкіндігі үлкен. Бұл ауданда 36,5 мың гектар жерді, ал көрші Шардара ауданында 3 мың гектардан астам жерде химиялық өңдеу жұмыстары жүргізілмек. Жалпы облыс бойынша 83 мың гектарды химиялық дәрілеу көзделуде.
Түркістан облысы
