Атап айтқанда, Ордабасы ауданы, Қажымұқан ауылдық округінің 1990 жылы туған тұрғыны, Жетісай ауданы, Асық ата ауылдық округінің 1976 жылғы азаматынан вирус расталды. Сондай-ақ Ордабасы ауданы, Көкарал ауданының 1988 жылы туған тұрғыны мен осы ауданның Бадам ауылының 1969 жылғы тұрғыны Атырау қаласында жұмыс істеген. 20 сәуір күні «Атырау-Шымкент» авиарейсімен келген қос азамат тұрғылықты жері - Ордабасы ауданына жеткен. 21 сәуір күні екеуі де ауруханаға түскен.
Науқастар оқшауланған және тиісті ем қабылдауда. Жалпы облыс бойынша коронавирус індетін жұқтырғандар саны 85-ке жетті.
Түркістан облысы