Ал биылғы жылы 42 көшені жөндеу жоспарланып отыр. Бұл бағытта республикалық, облыстық және аудандық бюджеттерден қаржы қаралып, жалпы ұзындығы 68,4 шақырым болатын жол жөндеуден өтеді.
Нәтижесінде ауданда жақсы және қанағатты жағдайдағы көше жолдардың үлесі 39-дан 50,4 пайызға артпақ. Бұдан бөлек, аудандық маңызы бар автомобиль жолдары бойынша Ленгір қаласындағы орталық Төлеби, Ә.Бектаев көшелері, Шахта Тоғыс және Балдыберек-Төңкеріс елді мекендердің жолдары яғни, 18,5 шақырым көше орташа жөндеуден өткізіледі. Бұл жұмыстар толығымен аяқталған жағдайда биылғы жылдың қорытындысы бойынша жақсы және қанағатты жағдайдағы аудандық маңызы бар автомобиль жолдарының үлесі 75 пайыздан 90 пайызға артпақ.