Спорт • 30 Сәуір, 2020

Футбол тарихындағы үздік бапкерлер анықталды

20 реткөрсетілді

Әйгілі Four Four Two журналы футбол тарихындағы ең білікті 100 бапкердің тізімін жариялады. Үздіктер көшін атақты маман Алекс Фергюсон бастап тұр.

78 жастағы Шотландияның Глазго қаласының тумасы 1974 жылы бапкерліктің қамытын киіп, өз еліндегі бірқатар клубтарды жаттықтырды. Бір жылдан аса уақыт Шотландияның ұлттық құрамасын баптады. Сексенінші жылдардың бел ортасында «Манчестер Юнайтедтің» тізгінін ұстағаннан кейін оның атағы төрткүл дүниеге мәлім болды.

Ширек ғасырдан аса «Манчестер Юнайтедке» жетекшілік еткен Фергюсон көптеген орасан зор табыстарға қол жеткізді. Сол ерен еңбегі үшін ол 1999 жылы Елизавета ІІ ханшайымның қолынан рыцарь атағын алса, 2002 жылы айтулы азматтың есімі Англия футбол даңқы залына енгізілді.

Сондай-ақ әлемдегі ең үздік «ТОП-10» бапкерлердің қатарына Ринус Михелс, Йохан Кройфф, Билл Шенкли, Пеп Гвардиола, Арриго Сакки, Мэтт Басби, Эленио Эррера, Эрнст Хаппель және Валерий Лобановский сынды майталман мамандар енді.

Соңғы жаңалықтар

Қапшағай қаласының әкімі ауысты

Аймақтар • Бүгін, 17:20

Жігіттің жақсысы

Руханият • Бүгін, 16:21

Эрик Кантона көш бастап тұр

Аймақтар • Бүгін, 15:16

Ұқсас жаңалықтар