Қазіргі таңға дейін сектор аумағында 6260 дана ағаш көшеттері отырғызылды. Егілген тал-дарақтар толығымен «Жасыл Түркістан» КММ-нің қарауына өткізілген. Сондай-ақ, жарықшамдар, қоқыс жәшіктері, орындықтар мен аялдамаларды орнату жұмыстары бекітілген іс-шара жоспарына сәйкес жүргізілуде. Қазіргі таңда 120 тұрғын үй, 3 кәсіпкерлік нысанның қасбеттері ретке келтірілген. Қаланы көгалдандыруға Келес ауданынан 15 адам, жергілікті тұрғындардан 5 адам тұрақты жұмысқа тартылды. Тазалық жұмыстарына 3 техника жұмылдырылған.
Қаланы көгалдандыру және абаттандыру, санитарлық жағдайын жақсарту бағытында атқарылған жұмыстардың барысын тексерген облыс әкімі Өмірзақ Шөкеев жауапты басшыларға жасыл газондардың көпжылдық түрін төсеуді тапсырды. Сондай-ақ, қаланың көрнекті жерлеріндегі ғимараттардың сыртқы көрінісі, шаһардың бірыңғай келбетін сақтау керектігін ескертті.