Елорда • 04 Мамыр, 2020

А. Көлгінов қызметкердің жемқорлығы үшін бірінші басшы жауап беретінін ескертті

55 реткөрсетілді

Бүгін елордалық «ANTIKOR ORTALYGY» ғимаратында қала әкімі Алтай Көлгіновтің төрағалығымен бағынысты қызметкерлердің сыбайлас жемқорлық құқық бұзушылық жасағаны үшін бірінші басшылардың жеке жауапкершілігін күшейту жөнінде онлайн кеңес өтті.

Видеоконференц байланыс арқылы кеңеске аудан әкімдері, қалалық басқармалар мен әкімдіктің ведомстволық бағынысты ұйымдарының басшылары қатысты.

Қалалық сыбайлас жемқорлыққа қарсы іс-қимыл департаментінің басшысы Нұрлан Қыдырбаев қатысушыларға сыбайлас жемқорлыққа қарсы қызметтің 1424 саll-орталығы арқылы елорда тұрғындарынан өтініштерді қарастыру және қоғам өкілдерімен бірлесіп өткізілетін еңбек ұжымдарындағы сыбайлас жемқорлықтың алдын-алу шаралары жөнінде атап өтті. Департамент басшысы «Protecting Business and Investments» бизнесті және инвестицияларды сыбайлас жемқорлықтан қорғау жобасына тоқталды. Жоба аясында жыл басынан бері 8 миллиард теңгеден астам қаржы көлемінде инвесторлармен келісімге қол қойылған.

«Астана – адалдық алаңы» жобасының жетекшісі, қалалық мәслихаттың депутаты Мирас Шекенов жобаның сыбайлас жемқорлық тәуекелдерін төмендетудегі ерекше рөлі, мемлекеттік органдар жұмысының ашықтығы, сондай-ақ елорданың аудан әкімдіктері жүзеге асыратын «Бюджетке қатысу» жобасы туралы айтты.

Кеңес қорытындысы бойынша Алтай Көлгінов мемлекеттік органдардың басшыларына, қызметкерлеріне сыбайлас жемқорлық құқық бұзушылықтардың алдын алу жөнінде ескертті. Әкім бюджет қаражатының мақсатты жұмсалуы үшін жауапкершілікті және мемлекеттік сатып алу рәсімдерін қатаң сақтауды талап етті.

Соңғы жаңалықтар

Елдік нышандар тарихы

Қазақстан • Бүгін, 18:14

Атырау: Үй қамаққа қамалған қыз

Аймақтар • Бүгін, 18:00

Биыл ауылға табиғи газ жетеді

Аймақтар • Бүгін, 14:29

Ұқсас жаңалықтар