Президент • 05 Мамыр, 2020

Мен талантты да талапты жастарға сенім артамын – Президент

53 рет көрсетілді

Бұл туралы Мемлекет басшысы Қасым-Жомарт Тоқаев  «Egemen Qazaqstan» газетіне берген сұхбатында мәлімдеді.

«Мен талантты да талапты жастарға сенім артамын. Сол себепті «Президенттік жастар кадрлық резервін» құрып, «жүзден жүйрік, мыңнан тұлпар» шыққан 300 жасты іріктеп алдық. Олардың біразы қызметке орналасты. Тиісті мемлекеттік органдарға жастар саясатына арналған жаңа кешенді бағдарлама әзірлеуді тапсырдым»,-деді Мемлекет басшысы.

Ол төтенше жағдай кезінде аянбай еңбек етіп жүрген еріктілердің жұмысын жоғары бағалады.

«Осы жылды «Волонтер жылы» деп жарияладым. Бүгінде бұл бастаманың дер кезінде көтерілгенін көріп отырмыз. Қазіргідей төтенше жағдайда еріктілер аянбай еңбек етіп жүр. Күрделі кезеңде белсенділік танытқан жігерлі жастарды үлгі тұтуымыз керек. Жалпы, бір жыл ішінде нақты жұмыстар атқарылды. Сондықтан елдің еңсесін көтеретін мұндай шешімдер алдағы уақытта да қабылдана береді»,- деп атап өтті ел Президенті.

Соңғы жаңалықтар

Ұқсас жаңалықтар