Наурыз айында елдегі іскерлік белсенділік көп жылдан бері болып көрмеген деңгейге құлдырады. Кәсіпкерлер экономиканың ең маңызды секторларының көбінде жағдай күрделі екенін айтады. Электронды коммерцияның өзі бизнеске карантин шараларының тигізіп жатқан теріс әсерін тежей алмай, бұрынғы табыс көзден бұлбұл ұшты.
Ең қатты құлдыраған сала – қызмет көрсету саласы. Мамыр айында оның индексі 38,7 тармақты құрады. Жаңа тапсырыстардың аздығы, құрылыс жұмыстарының төмендеуі мен жұмыс орнының азаюы құрылыс секторының да көрсеткішін 43,5 тармаққа төмендетті.
Ақпан айынан бергі аралықта кәсіпкерлердің табысы азайып, шығыны мен берешегі көбейіп барады. Үш ай ішінде отандық компаниялар табысының 72 пайызынан айырылғаны осыны көрсетеді. Өндіруші сектордағы компаниялардың табысы 6 есе төмендесе, қызмет көрсету саласындағы кәсіпорындардың кірісі 3 еседен артық құлдырады.
Іскерлік белсенділік индексі – шешуші макроэкономикалық өлшем саналады. Оны есептеу барысында өнеркәсіп, құрылыс және қызмет көрсету салалары назарға алынады. Бизнес өкілдерінің арасында сауалнама жүргізу арқылы кәсіпкерлік саладағы ахуалға көз жеткізуге болады. Оның деңгейі 50 тармақтан жоғары болса, көрсеткіштің оңалғанын білдіреді.
