Спорт • 06 Мамыр, 2020

Қорлан Жақанша Олимпиадаға баруды армандайды

42 реткөрсетілді

Қазақстанның танымал грек-рим күресі шебері Қорлан Жақанша келешекте Олимпия ойындарында бақ сынауды армандайды. Өзінің бұл ойын ол Ұлттық Олимпиада комитеті ұйымдастырған интерактивті шара кезінде жария етті.

- Мен өнер көрсететін 55 кило салмақ дәрежесі Олимпиада бағдарламасына енбеген. Сол себепті де мен біраз уақыттан бері басқа ауысуды көздеп жүрген едім. Алайда кезіндегі еліміздің белді балуаны, бүгінгі таңдағы білікті бапкер Әсет Иманбаевпен ақылдасқан кезімде ұстазым маған әзірге асығудың қажеті жоқ екенін айтты. Расында да 55 кило салмақта белдесу маған қолайлы. Бірақ түбі бір тәуекел етуіме тура келеді. Оған күмәнім жоқ. Себебі, Олимпия ойындарында өнер көрсету әр спортшының арманы», – дейді Қорлан.

Биыл жазды 28 жасқа толғалы отырған Қорлан Жақанша 2014 жылы әскерилер арасындағы әлем біріншілігінде үшінші орынды иеленіп, көпшіліктің көзіне түсті. Былтыр ол Нұр-Сұлтанда өткен әлем чемпионатында күміс жүлдені олжалады. Сонымен қатар Қорлан Азия біріншілігінде үш рет қола медальді мойнына ілді. 

Соңғы жаңалықтар

Ұқсас жаңалықтар