Аймақтар • 06 Мамыр, 2020

Қазақстанның шекарашылар бортында Әзербайжанның 4 азаматы ұсталды

16 реткөрсетілді

Ұлттық қауіпсіздік комитеті Шекара қызметінің ақпараты бойынша, 2020 жылғы 30 сәуірде қазақстандық шекарашылар бортында Әзербайжанның 4 азаматы бар «байда» үлгісіндегі шағын көлемді кемені ұстады. Бұл оқиға түнгі сағат 03:55-те  Ұлық (Ракушечный) мүйісінен оңтүстікке қарай 30 миль қашықтықта болған. Бұл туралы СІМ баспасөз қызметі хабарлады.

Ұсталған кеме Қазақстан Республикасы аумақтық суларынан табылды. Шекараны бұзушылар шекара катері экипажының халықаралық теңіз заңнамасына сәйкес кемені тоқтату туралы талаптарына қарамастан тиісті жауап қайтармай, мемлекеттік шекара катерінің алдында соқтығысуға қауіп төндіре отырып, үлкен жылдамдықта қауіпті маневр жасаған.

Шекара бұзушыларын қуу 1 сағат 40 минутқа созылып, нәтижесінде «Қазақстан Республикасы Мемлекеттік шекарасы туралы» Заңның талаптарына сәйкес кемені мәжбүрлеп тоқтату үшін шекарашылар қару қолданған. Осылайша, қарудан ауаға 25 ескерту, 87 рет жүру бағыты бойынша және 185 рет шекара бұзушылардың кеме қозғалтқыштары бойынша оқ атылды.

Қаруды қолдану салдарынан үш құқық бұзушы жарақат алды. Ұстау кезінде зардап шеккендерге дереу алғашқы медициналық көмек көрсетілді. Қабылданған шараларға қарамастан, жағаға келген кезде жедел жәрдем дәрігерлерімен ұсталған адамдардың бірінің қайтыс болғаны анықталды.

Қазіргі таңда Қазақстан Республикасы құзыретті органдары ұсталғандарға қатысты ҚР Қылмыстық кодексінің 392-бабы 1-бөлігіне сәйкес мемлекеттік шекараны бұзу фактісі бойынша тергеу іс-шараларын жүргізуде.
ҚР ҰҚК ШҚ хабарлағандай, ұсталған төрт браконьердің үшеуі 2017 жылы іспеттес тәртіп бұзғаны үшін Қазақстан заңнамасына сәйкес 6 айға бас бостандығынан айырылған.

Қазақстан тарапы қаза тапқан Әзербайжан азаматының отбасына көңіл айтады. Бүгін таңертең қаза тапқан адамның денесі Әзербайжан тарапына берілді.

Бұл оқиға туралы толық ақпарат Әзербайжан тарапына жіберілді.

Қазақстан тарапы Әзербайжан азаматтарының Қазақстан Мемлекеттік шекарасын бұзу фактілерінің жиіленуіне алаңдаушылық білдіреді. 2017 жылдан бастап қазіргі уақытқа дейін 41 ӘР азаматы ұсталды, оның 33-і Қазақстан Мемлекеттік шекарасын бұзғаны үшін сотталды.

Соңғы жаңалықтар

Азияда COVID-19-дан өлім неге аз?

Коронавирус • Кеше

Ұқсас жаңалықтар