Кітап бұдан бұрын Жеңістің 50,60,65,70 жылдықтарына арнап жарық көрген «Боздақтар», «Тағзым» кітаптарының жалғасы болып табылады. Маңғыстау облысының құрметті азаматы Қойлыбай Қаражановтың құрастыруымен шыққан кітап елі үшін құрбан болған жауынгерлер рухына тағзым етуге, жас ұрпақты тәрбиелеуге, ел басына күн туғанда ажалмен бетпе-бет тұрған бабаларының ерлігін үлгі ете отырып, патриоттық сезімді қалыптастыруға, сондай-ақ қиын кезде ел қорғаған аға буын өкілдерінің есімін ұрпақ жадында жаңғыртуға негізделген.
Маңғыстау өңірінен Екінші дүниежүзілік соғысқа 6186 адам аттанып, оның 4942-сі соғыс операцияларына қатысса, 1244-і жұмысшы батальонына алынды. Осы азаматтардың үштен екісі туған жерге оралмады.
Жаңадан жарық көрген «Тағзым-5» жинағы кітапқа енген барлық майдангерлер мен тыл ардагерлерінің ұрпақтарына, облыстағы кітапханалар мен білім беру ұйымдарына, мемлекеттік мекемелерге тегін таратылып беріледі.
Ел басына күн туғанда соғысқа аттанған ерлер мен еңбек майданында ерлерден кем емес тер төккен аналардың ерлігі – мәңгі есте және үнемі үлгі.
Маңғыстау облысы
