Қазақстан халқы тілдерінің күні қарсаңында, 2013 жылғы 20 қыркүйекте Сыртқы істер министрлігі мемлекеттік қызметкерлер арасында мемлекеттік тілдің қолданыс аясын одан әрі кеңейту, оны қолдау және дамыту мақсатымен қазақ тілі кешін өткізді, деп хабарлады ҚР СІМ-інің баспасөз қызметі.
Қазақстан халқы тілдерінің күні қарсаңында, 2013 жылғы 20 қыркүйекте Сыртқы істер министрлігі мемлекеттік қызметкерлер арасында мемлекеттік тілдің қолданыс аясын одан әрі кеңейту, оны қолдау және дамыту мақсатымен қазақ тілі кешін өткізді, деп хабарлады ҚР СІМ-інің баспасөз қызметі.
Сыртқы істер министрі Ерлан Ыдырысов кешті аша отырып, Елбасы Нұрсұлтан Назарбаевтың «Қазақстанның болашағы – қазақ тілінде» деген сөздерінің терең маңызына тоқтала келіп, мемлекеттік тілдің қолданыс аясын кеңейту барша қазақстандықтардың басты борышы екендігін атап көрсетті. «Қазір қазақ тілінің халықаралық қызметтегі рөлі артып келеді. Қазақ тілінің құдіретін, ата-бабаның асыл сөзін, ұлттық өнерді терең түсіну үшін бүгінгі кештің белгілі бір тағылымы болады деп сенемін», деді ол.
Сыртқы істер министрлігінің жауапты хатшысы Асқар Мусинов өз сөзінде Қазақстан халқы тілдерінің күніне орай республикамыздың барлық өңірлерінде тіл фестивальдері, тіл айлығы, тіл апталықтары, мәдени-әдеби кештер, байқаулар, кездесулер, олимпиадалар, шығармашылық сайыстар өткізілгеніне, бұл кештің де осы тіл мерекесі аясына кіретін маңызды іс-шараның бірі екендігіне тоқталды. «Тілдерді дамытудың мемлекеттік бағдарламасында мемлекеттік тіліміздің халықаралық қызметтегі рөлін арттыру міндеті алға қойылды. Бұл мақсат Сыртқы істер министрлігінің қызметкерлеріне үлкен жауапкершілік жүктейді», деді ол.
Қазақ тілі кешінде дипломаттар: «Мақал – сөздің мәйегі», «Білімді мыңды жығар», «Өнерлі өрге жүзер» номинациялары бойынша тіл, білім, өнер сайысына түсті. Сондай-ақ, осы кешке арнайы шақырылған шетелдіктер – дипломатиялық корпустың бірқатар өкілдері қазақ тілін үйреніп жүргендіктері туралы айтып, өз елдері туралы қазақша әңгімелеп берді.
