Кеше Астанада Қазақстан Коммунистік халық партиясының жаңа рәміздерін таныстыру рәсімі өтті.
Кеше Астанада Қазақстан Коммунистік халық партиясының жаңа рәміздерін таныстыру рәсімі өтті.
Бұл ұйым мүшелері үстіміздегі жылғы 1 маусымда өткен VIII кезектен тыс съезінде партияның нормативтік құқықтық құжаттарын, жаңа бағдарламасы мен жаңа жарғысын қабылдаған болатын. Сол өзгерістердің аясында, заман талабына сай ілгерілеу мақсатымен олар партия рәміздерін жаңартуды да жөн көріпті. Таныстыру барысында Парламент Мәжілісінің депутаты, Әлеуметтік-мәдени даму комитетінің мүшесі, Коммунистік халық партиясы Орталық комитетінің хатшысы Жамбыл Ахметбеков жаңа рәміздердің мән-мағынасын түсіндіріп өтті.
Мұнда бейнеленген бесбұрышты жұлдыз партияның ең нақты басымдықтарын белгілейді. Ол – халық билігі, еңбек құқығы, әлеуметтік әділеттілік, саяси теңдік пен интернационалдылық», деді ол.
«Қазақстан Коммунистік халық партиясы» қоғамдық бірлестігі – коммунистік идеяны қолдайтын Қазақстан Республикасы азаматтарының біріккен ерікті бірлестігі. Ол жұмысшылар мен шаруалардың, интеллигенцияның және барлық еңбек адамдарының мүдделерін қорғайды.
Айдар ӨРІСБАЕВ,
«Егемен Қазақстан».
