Футбол. Өткен сенбі-жексенбі күндері Қазақстан чемпионатының кезекті туры ойындары ойналды.
Премьер-лига. 27-тур. 21 қыркүйек. «Ақтөбе» – «Астана» 2:0, «Восток» (Өскемен) – «Жетісу» (Талдықорған) 0:0, «Тараз» – «Атырау» 1:1, «Ақжайық» (Орал) – «Тобыл» (Қостанай) 1:3, «Ертіс» (Павлодар) – «Ордабасы» (Шымкент) 3:0. 22 қыркүйек. «Қайрат» (Алматы) – «Шахтер» (Қарағанды) 3:3.
Көш басында 33 ұпаймен «Ақтөбе» тұр.
Футбол. Өткен сенбі-жексенбі күндері Қазақстан чемпионатының кезекті туры ойындары ойналды.
Премьер-лига. 27-тур. 21 қыркүйек. «Ақтөбе» – «Астана» 2:0, «Восток» (Өскемен) – «Жетісу» (Талдықорған) 0:0, «Тараз» – «Атырау» 1:1, «Ақжайық» (Орал) – «Тобыл» (Қостанай) 1:3, «Ертіс» (Павлодар) – «Ордабасы» (Шымкент) 3:0. 22 қыркүйек. «Қайрат» (Алматы) – «Шахтер» (Қарағанды) 3:3.
Көш басында 33 ұпаймен «Ақтөбе» тұр.
Хоккей. Құрлықтық хоккей лигасы Шығыс дивизионында ойнап жатқан Астананың «Барыс» командасы 22 қыркүйекте Екатеринбургтің «Автомобилисін» қабылдап, 7:2 (2:2, 2:0, 3:0) есебімен жеңіске жетті. Жерлестерімізден Роман Старченко (2), Талғат Жайлауов (2), Найджел Доус, Федор Полищук және Михаил Рахманов мергендіктерімен көзге түсті. Матчтағы алғашқы екі голды екатеринбургтік Александр Стрельцов және Тобиас Виллунд соқты. Астаналықтар содан кейін жауапсыз 5 шайба түсірді.
«Барыс» қазір 18 ұпаймен бұрынғысынша өз тобында бірінші болып келеді.
Теннис. Қазақстандық Михаил Кукушкин Түркияның Измир қаласында өткен «Челленджер» сериясы турнирін жеңіп алды. Ол финалда итальян Лука Соренсенді 6:1, 6:4 етіп тізе бүктірді. Михаил финалға дейінгі іріктеу сайыстарында босниялық Мирза Басич пен беларусь Дмитрий Жирмонтты жарыс жолынан шығарып тастаса, ширек финалда тунистік Малек Джазириден басым түсті (5:7, 7:6, 6:4). Ал жартылай финалда әлемнің сегізінші ракеткасы итальян Флавио Чипполуды үш сетте (5:7, 6:1, 6:4) ұтты.
Осы аралықта Лондонда Дэвис кубогының 2014 жылғы әлемдік тобының жеребесі тартылды. Ол Кубок сайысының бірінші кезеңінде Қазақстан мен Бельгия құрамаларын қарсылас етіп шығарды. Матч келер жылғы 31 қаңтар мен 2 ақпан аралығында өтеді. Қабылдаушы жақ Қазақстан болады.
Паралимпиялық ойындар. Голландияның Стадсканаал қаласында өтіп жатқан Бүкіләлемдік IWAS-2013 ойындарының алғашқы үш күнінде Қазақстан паралимпиялық құрамасының қоржынына бес медаль түсті. Мұнда Зүлфия Ғабидуллина 50 метрге брасс әдісімен жүзуде – алтын, 50 метрге шалқалай жүзуде күміс медальдар алды. Ал Равиль Мансуров ядро лақтыруда алтын медальға қол жеткізсе, Ирина Тыщенко – күміс, ал Павел Сидорчук диск лақтыруда қола медальды еншіледі.
«Егемен-ақпарат».
