Бұл күнде қоғам тарапынан үлкен ынта тудырған «Нұр Отан» ХДП-ның жаңа Саяси доктринасы жобасы кеше Теміртауда өткен аймақтық форумда қызу талқыланып, оған қатысушылардың бір тобы өз ойларын ортаға салды.
Бұл күнде қоғам тарапынан үлкен ынта тудырған «Нұр Отан» ХДП-ның жаңа Саяси доктринасы жобасы кеше Теміртауда өткен аймақтық форумда қызу талқыланып, оған қатысушылардың бір тобы өз ойларын ортаға салды.
Жас қауым өкілдерінің бұл басқосуына арнайы келіп, сөз кезегі алдымен тиген «Нұр Отан» партиясы Төрағасының бірінші орынбасары Бауыржан Байбек аталған маңызды құжаттың негізгі бағыттарын жан-жақты, тыңдаушылар пайымдауына түсінікті түрде баяндап берді. Ол өз сөзінде Доктринаның әр тезисі болашақ үшін жазылған, ол болашақ-прогрессивті және бәсекеге қабілетті буын екенін, партия соларға үміт пен сенім артатынын, себебі, бүгінгі бастамаларды жүзеге асырушылар болып табылатынын айтып, осындай биік мақсат жолында әрқайсысының қосар үлесі үлкен болуы тиістігі туралы ой тастады.
Қатысушылар атынан сөз сөйлеушілер: «Нұрқазған» кенішінің 22 жасар жетекшісі Мұрат Бөрібаев, «Сәтті қадам» әлеуметтік жобасын іске асыруға атсалушы Әсем Кенжебекова, өнертапқыш талапкер Сергей Алешин, Павлодар облысындағы Заңғар ауылдық округінің ең жас әкімі Хамза Оразбеков, «Қазақстанның жастар конгресі» ЗТҰ атқарушы директоры Роллан Құспан Елбасының салиқалы саясаты арқасында қалыптасқан экономикалық даму мен рухани өрлеудің жаңа қырларын және құндылықтарын айқындап, жинақтаушы тұрғысында қабылданған Доктринаның маңыздылығы жайлы пікір бөлісті, ұсыныстар партия басшылығына жеткізілді. Жас актер Асылхан Төлеповтің «Болашақ біздікі, болашақты біз жасауымыз керек», деген сөзі ду қол шапақталып қосталуынан бұл ойдың бәріне ортақтығы білінді.
Форумға қатысушылар өздеріне арнайы ұйымдастырылған семинар-тренингте тәжірбие алмасты.
Айқын НЕСІПБАй,
«Егемен Қазақстан».
Қарағанды.
