Жас ұстаздарға сенім білдіру, мотивациясын жоғарылату, өзіне деген сенімін арттыруды мақсат еткен онлайн-вебинар Алматы қаласының білім басқармасының қолдаумен Білім берудегі жаңа технологиялардың қалалық ғылыми-әдістемелік орталығының жанынан ашылған «Жас ұстаздар» қауымдастығының координаторы Светлана Шапкинаның ұсынысы негізінде ұйымдастырылды.
«Өрлеу» БАҰО» АҚФ Алматы қаласы бойынша ПҚ БАИ қоғаммен байланыс бөлімінің мәліметінше, тренер А.Қоңырова онлайн-вебинарды жоспарлау барысында «Жас ұстаздар» қауымдастығының өтініш-сұраныстарын негізге ала отырып коуч форматында жұмыс жүргізді. Алматы қаласы бойынша жас ұстаздар қатысқан онлайн-вебинарда жас мұғалімдердің жұмысында кездесіп отыратын ұстаздардың өздеріне деген сенімсіздігі, өз пікірлерін ашық білдіре алмауы, командалық жұмыс, көшбасшылық деген сұрақтардың төңірегінде мәселелер талқыланды.
