Әлем • 16 Мамыр, 2020

Microsoft ұйымдастырған конкурста қазақстандық студенттер финалға шықты

37 реткөрсетілді

«The next AI Guardians» халықаралық байқауы 2020 жылдың қаңтарында басталды.  

Байқаудың негізгі мақсаты – 29 елдің,  оның ішінде Қазақстан Республикасының университеттері студенттерінің, зерттеушілерінің және оқытушыларының шығармашылық шешімдерін жасанды интеллект (ЖИ) негізінде білім беру саласына енгізу. Сулейман Демирел Университетінің (Каскелен қ., Қазақстан) студенттері мен магистранттарынан құралған команда байқауға қатысып, екінші іріктеу кезеңінен кейін финалға шықты.

4 адамнан құралған команда «Емтихандарды басқарудың жетілдірілген жүйесі» («Advanced Examination Management System») веб-қосымшасын әзірледі. Қосымша арқылы педагогтар емтихан үдерісін басқара алады (кеңейтілген редакторы бар сұрақтар мен жауаптар қызметін қолданып) және онлайн-емтихандар қабылдай алады. Емтихан кезінде веб-қосымша арқылы терезелер арасында ауысу, көшіру және кірістіру сияқты браузердің қолдану белсенділігін қадағалауға болады. Сондай-ақ фокусты, эмоциялар мен қызығушылықты бақылауға болады. Сонымен қатар, жүйе оқытушыға емтихан кезінде студенттің іс-әрекеті тұралы хабардар болуға мүмкіндік береді. Жүйе плагиатты анықтау және онлайн емтихан кезінде басқа күдікті әрекеттерді болдырмау үшін арнайы қызметімен жабдықталған. Қосымша арқылы емтихан аяқталғаннан кейін жиналған мәліметтерді (трекерлерден) машинамен оқыту алгоритмдерін пайдалана отырып талдауға, ұсынымдарды дайындауға және оқушылардың үлгерімін қадағалауға болады.

«Жоба идеясы маған нұсқаушының көмекшісі болып жұмыс істеп, онлайн-викторинаны өткізген кезде келді. Сол кезде мен ақылы плагинді қолдандым, бірақ үміттерім ақталмады, онлайн емтихандармен менің экспериментім сәтсіз болып шықты. Сондықтан мен үшін емтиханды бағалауға байланысты қағаз жұмысын азайтуға және көшіруді анықтай олатын платформаны әзірлеу өте қызықты болды. Осы байқауда біз командамен «The next AI Guardians» байқауына өз концепциямызды ұсынып, финалға өттік» - деп команданың мүшесі Құрманғазы Конгратбаев өз әсерімен бөлісті.

Іріктеу кезеңінде қазақстандық команда Норвегиялық қатысушыларға кеңес берген Microsoft-тың тәлімгерімен үздіксіз жұмыс істеді.  Оның көмегімен команда жобаның техникалық бөлімін дайындап, тиімді бизнес-модельді құрып, өзінің бәсекелестік артықшылықтарын бағалап, нарыққа шығу стратегиясын қалыптастырды. Microsoft-тың қазылар алқасын концепциямен таныстыру онлайн режимде өтті, нәтижесінде команда финалға шыққан алты үздік команда қатарына кірді.

Қазір команда мүшелері финалға дайындалып жатыр, тәлімгермен апта сайын онлайн кеңесіп, байқаудың финалында жеңіске жетуді жоспарлап отыр.

AI University Virtual Bootcamp финалы 2020 жылдың 18 маусымында өтуі тиіс еді. Алайда, қазіргі жағдайларға байланысты іс-шара онлайн форматқа көшіріледі. Финалдың күні мен уақыты белгіленгенде,  барлық 6 команда жобаларын онлайн режимде қорғайды.

«Біз қазақстандық команданың осы байқаудағы жетістіктерін мақтан тұтамыз. Біз қорытынды кезеңнің бір бөлігі ретінде жоспарланған екі күндік хакатонды әлі де өткізе аламыз деп үміттенеміз, қазір ол жағдай жақсарғанға дейін белгісіз мерзімге кейінге қалдырылды. Сол кезде барлық алты команда Мажарстанда, Будапешт қаласында өтетін финалға қатыса алады. Ұйымдастырушылар барлық қатысу жөніндегі шығыстарды өзіне алады», – деп «Microsoft Қазақстан» компаниясының білім беру секторының жетекшісі Нұрлан Жаныбек атап өтті.

 

Соңғы жаңалықтар

Ақмолада қайырымды жандар көп

Аймақтар • Бүгін, 09:31

Шайқының домбырасы

Өнер • Бүгін, 08:15

Театр алдындағы тарландар

Руханият • Бүгін, 08:13

Пандемия: Стивен стихиясы

Әлем • Бүгін, 07:51

Лу Шүн. Маржан сүзген жазушы

Әдебиет • Бүгін, 07:50

Тұтқын тағдыры

Руханият • Бүгін, 07:34

Жаз шықпай-ақ қурай бастады

Экология • Бүгін, 07:30

Экология бәрімізге ортақ

Экология • Бүгін, 07:27

Мыңнан астам жұмыс орны ашылады

Экономика • Бүгін, 06:45

Ұмтылғандар ұтады

Бизнес • Бүгін, 06:41

Фермерлердің көңілі әлі де күпті

Экономика • Бүгін, 06:39

Сахара үнінің саңлағы

Өнер • Бүгін, 06:37

Бетперде режімін бұзуға болмайды

Коронавирус • Бүгін, 06:32

Жер көп, жайылым жоқ

Қоғам • Бүгін, 06:31

Ұқсас жаңалықтар