![Түркіменстан ДСҰ-ға кіруге өтініш берді](/media/2020/05/16/aa280e47cb52b60b05ff8d2131ddedc1.jpg)
Түркіменстан Сыртқы істер министрлігі үкіметтің кезекті отырысында президент Гурбангулы Бердімұхамедов «Түркіменстанның Дүниежүзілік сауда ұйымына бақылаушы ретінде кіруі туралы» жарлыққа қол қойғанын айтады.
Осылайша, мемлекет басшысы арнайы үкіметтік комиссияның Түркіменстанның ДСҰ-ға кіруі туралы ұсынысын мақұлдады, осы құжатқа сәйкес түрікмен тарапы ДСҰ-ның бас директоры Роберт Азеведтің атына ұйымға байқаушы ретінде кіру туралы өтініш хат жолдады.
«ДСҰ-ға кіру рәсімдеріне сәйкес, Түркіменстанды ұйымға байқаушы ретінде қабылдау мәселесі жақын арада өтетін ДСҰ Бас кеңесінің келесі отырысында қаралады», деді Түркіменстан Сыртқы істер министрлігі.
Алғаш рет Түркіменстанның ДСҰ-ға кіруі туралы мәселені 9 жыл бұрын Еурокомиссияның сол кездегі басшысы Жозе-Мануэль Баррозу көтерген болатын.
2011 жылы Ашхабадқа жасаған сапарында ол Гурбангулы Бердімұхамедовті Дүниежүзілік сауда ұйымына кіруге Түрікменстаннан өтініш беруге шақырды.
Ашхабад ДСҰ-ға кіру ұлттық экономиканың дамуына серпін береді және шетелдік серіктестермен ынтымақтастықты кеңейтеді деп санайды.