Аймақтар • 18 Мамыр, 2020

Қызылорда: Бүгіннен бастап шектеу шараларына өзгеріс енгізілді

1063 рет
көрсетілді
1 мин
оқу үшін

Қызылорда облысында бүгіннен бастап карантиндік шараларға өзгеріс енеді. Бұл туралы өңірлік коммуникациялар қызметінде облыстық тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Әлия Әбдіқайымова мәлімдеді.

Қызылорда: Бүгіннен бастап шектеу шараларына өзгеріс енгізілді

– Эпидемиологиялық ахуалды ескере отырып, кезең-кезеңімен салалар мен мекемелерді жұмысқа қосудамыз. Қызмет барысында санитарлық-дезинфекциялық шаралары қатаң сақталып, жұмыс барысы шектеулі уақытқа ғана рұқсат етіледі.

Төртінші кезеңде, яғни 18 мамырдан бастап іске қосылатын нысандар қатары артып отыр. Олар ломбардтар, азық-түлік емес дүкендер, базарлар, қоғамдық тамақтану орындары, мен қонақ үйлер. Сонымен қатар, авиа, теміржол кассалары, діни құлшылық жасау орындары да жұмыс істей бастайды, - деді Әлия Әбіқайымова.

Бұл нысандар тек шектеулі уақытта ғана қызмет ететін болады. Сондай-ақ, азық-түлік сататын дүкендердің жұмыс уақыты 10.00-22.00 аралығы болып белгіленді. Ал тұрғындар қалаішілік такси қызметін 07.00-23.00 аралығында пайдалана алады.