Мұндағы мақсаты – күнделікті тұрмыста, кәсіпте, түрлі ресми шараларда, қоғамның түрлі әлеуметтік салаларында қазақ тілін пайдалану мен оның қолданыс аясын кеңейту үшін заманауи тіл меңгеру әдістерінің қағидаттары негізінде тілді жылдам әрі оңай меңгерудің түрлі тәсілдері бойынша өңірлерде қазақ тілін оқытып, үйретіп жүрген оқытушылар мен ұстаздарға әдістемелік көмек, қолдау көрсету.
Кезекті онлайн дәрістерді Шайсұлтан Шаяхметов атындағы «Тіл-қазына» ұлттық ғылыми-практикалық орталығының атқарушы директоры Ербол Тілешов бастап, Назарбаев университеті Қазақ және түркология департаментінің профессоры, филология ғылымдарының докторы Зейнехан Күзекова, Абай атындағы Қазақ ұлттық педагогикалық университетінің профессоры, филология ғылымдарының докторы Таңат Аяпова, Ы.Алтынсарин атындағы Ұлттық білім академиясының жетекші ғылыми қызметкері, филология ғылымдарының кандидаты Алмагүл Мұқышева жүргізеді.
Онлайн дәріске еліміздің барлық өңірлеріндегі Тіл басқармалары мен оқыту орталықтарының басшылары, әдіскерлері, оқытушылары, сонымен қатар жоғары оқу орындарының тіл мамандары, магистранттары мен докторанттары қатысады. Дәріс фейсбук желісіндегі ONLINE-da bol парақшасында тіклей эфирде көрсетіледі.
