«Осыған орай, Халықаралық Түркі академиясы бүгінгі түркі жазуы күнімен шын жүректен құттықтайды. Қазіргі таңда Халықаралық Түркі академиясында түркі жазуын зерттеп, аударумен айналысатын «Түркология, алтаистика және моңғолтану» бөлімі жұмыс істейді. Академия үнемі түркілердің жазу ескеркіштеріне қатысты тың зерттеулерге қолдау білдіріп келеді. Атап айтқанда, биыл 24 сәуірде Академияның бастамасымен ЮНЕСКО деңгейінде «Тоныкөк жылы» ресми жарияланып, Тоныкөк ескерткішінің 1300 жылдығына орай әлемнің 12 тіліндегі аудармалары енгізілген «Bilge Tonyquq» жинағы жарық көрді», - деп хабарлады Түркі академиясының баспасөз қызметі.
