Аймақтар • 20 Мамыр, 2020

Түркістанда тұрмысы төмен отбасылар табиғи газға тегін қосылды

210 рет
көрсетілді
1 мин
оқу үшін

Түркістан қаласы, Отырар мөлтек ауданында көпбалалы ана мен тұрмысы төмен екі отбасыға «КазТрансГаз» АҚ-ы көмек ретінде «көгілдір отынды» тегін кіргізіп берді.

Түркістанда тұрмысы төмен отбасылар табиғи газға тегін қосылды

Ортақ газ құбыры үйлеріне келіп тұрса да, қаржы қолбайлау болған олар газға қосыла алмай келген. Жағдайға түсіністікпен қараған облыстық энергетика және тұрғын үй коммуналдық шаруашылық басқармасы мен «КазТрансГаз» АҚ-ы игі істі қасиетті Рамазан айында жүзеге асырды.

1

Қаланың экологиялық ахуалын жақсарту мақсатында тұрғындарды табиғи газ жүйесіне қосу жұмыстары қарқынды жүргізілуде. Оған қоса, қатты отын пайдаланатын барлық моншалар, әлеуметтік және кәсіпкерлік нысандарды газдандыру көзделіп отыр.  Бұл бағытта да түсіндірме жұмыстары жүргізіліп, нәтижесінде әлеуметтік және кәсіпкерлік 9 нысан табиғи газға ауыстырылған. Облыс әкімі Өмірзақ Шөкеевтің тапсырмасына сәйкес, жыл соңына дейін Түркістан қаласын 100 пайыз газбен қамтамасыз ету жоспарланып отыр. Бұл жұмыстар кезең-кезеңімен жүзеге асырылуда. Бүгінде қала тұрғындарының 41%-ы табиғи газбен қамтылған.

 

Түркістан облысы