Аймақтар • 20 Мамыр, 2020

Биыл Нұр-Сұлтанда энергия үнемдейтін шамдардың рекордтық саны орнатылады

154 рет
көрсетілді
1 мин
оқу үшін

Нұр-Сұлтанда ЖКУ шамдарын (натрийлі шаммен) қазіргі заманғы энергия үнемдейтін жарықдиодты шамдарға ауыстыру бойынша жұмыс жүргізілуде. Мамандар атап өткендей, олар ұзақ және үнемді қызмет етіп, электр энергиясын аз жұмсауға мүмкіндік береді. Бұл туралы қала әкімдігінің ресми сайты хабарлады.

Биыл Нұр-Сұлтанда энергия үнемдейтін шамдардың рекордтық саны орнатылады

«Бұл шамдар электр энергиясын үнемдеуге мүмкіндік береді және олар қарапайым шамдарға қарағанда әлдеқайда жарық болады. Үнемділігі – 35-40%. Сондай-ақ олар жолдарды автокөлік жүргізушілері үшін неғұрлым жарық және қауіпсіз етеді. Бұл жаяу жүргіншілер үшін де ыңғайлы. Егер қалада 47 мың жарық нүктелері болса, биыл 10 мыңын ауыстыру жоспарланған», – деп атап өтті қала әкімінің орынбасары Алтынбек Қайсағалиев.

Сондай-ақ елордада аулаларды және қоғамдық кеңістіктерді абаттандыру белсенді жүргізілуде. Биыл 150 аула мен 50 қоғамдық кеңістік (саябақтар, скверлер) абаттандырылады.