Жамбыл облысында іш сүзегімен ауырған бір адам облыстық жұқпалы аурулар ауруханасына жатқызылды. Ол Байзақ ауданына қарасты Кеңес ауылының 40 жастағы тұрғыны екен.
Жамбыл облысында іш сүзегімен ауырған бір адам облыстық жұқпалы аурулар ауруханасына жатқызылды. Ол Байзақ ауданына қарасты Кеңес ауылының 40 жастағы тұрғыны екен.
Аурудың белгілері мен лабораториялық сараптама «іш сүзегін» анықтады. Осыдан кейін бір топ дәрігерлер жұқпалы ауру шыққан ауылға аттанып, іш сүзегін жұқтырған сырқатпен қарым-қатынаста болған 15 адамға екпе жұмыстарын жүргізді. Сондай-ақ, Көктерек ауылдық округіндегі 1,5 мың тұрғынға да вакцина егу жұмыстары ұйымдастырылды.
Мамандардың айтуынша, жұқпалы ауру мал суатындағы түрлі бактериялардан пайда болған сияқты. Бүгінде аурудың беті бері қарады.
Көсемәлі СӘТТІБАЙҰЛЫ,
«Егемен Қазақстан».
Жамбыл облысы,
Байзақ ауданы.
