Мақтаарал: Еріктілер 1500 тұрғынға әртүрлі көмек көрсеткен

– Төтенше жағдайға байла­ныс­ты волонтерлік штаб құ­­ры­­лыпты. Оның бүгінгі нәти­­же­­сі­­мен бөліссеңіз.

– Мамырдың басында Мақ­та­­арал ауданында болған тө­­тен­­ше жағдайға бай­ла­ныс­ты Түр­кістан облы­сы Мақтаарал ауда­нының Жам­был ауылдық ок­ругі №36 жалпы орта мектебі ба­засында Түркістан облысы әкім­дігі және Nur Otan пар­тия­сы­ның қол­дауымен жастар мен во­лонтер­лердің бастамасы­мен «Бір­геміз, Мақтаарал!» ерік­ті­лер штабы құрылған. Басым көп­шілігі Түркістан облысы мен Шымкент қаласының жа­с­та­­рынан құралған волонтерлер «бір жеңнен қол, бір жағадан бас шығарып», зардап шеккендерге жан-жақты жәрдем беруде.

Еріктілер штабының негізгі мақ­саты – техногендік апаттан зар­дап шеккен тұрғындарға көмек беру, қолдау көрсету жұ­­мыстарын жүйелі жүзеге асы­ру мен волонтерліктің жо­ға­ры мәдениетін сақтай отырып, кө­мекке мұқтаждардың әлеу­мет­тік-экономикалық қауіп­сіз­ді­гін қам­тамасыз ету.

– Штаб жұмысын нақты көрсет­кіштер арқылы сипаттап берсеңіз.

– Республикамыздың бар­лық өңірінен, сондай-ақ Түр­кіс­тан облысының аудан, қала­ла­рынан және «Шымкент во­лон­­тер­лер қауымдастығы», басқа да жастардың бастамаларымен ұйымдастырылған гу­ма­ни­тарлық-материалдық кө­мек керуендері әлі де Мақта­арал ауда­нына толассыз келіп жатыр.

Осы күнге дейін «Біргеміз, Мақта­арал!» волонтерлер шта­бы 170-ке жуық отбасына және 1500-ге жуық тұрғынға әлеу­мет­тік көмек пен жекелеген сұ­раныстар бойынша көмек көр­сет­ті.

Штаб алдағы уақытта Мақта­арал ауданындағы әлеу­мет­тік аз қамтылған отба­сы­лар­дың балаларына жаз­ғы оқу-жат­тығу лагерін ұйым­дас­тыру жұ­мыс­та­рын қолға ал­мақ. Сондай-ақ та­биғи апаттан зардап шеккен тұрғындар, жас­өспірімдер мен балалардың қор­қынышын сейіл­те­тін ар­найы тренингтер мен ойын­дар өткізуде.

Әңгімелескен

Светлана ҒАЛЫМЖАНҚЫЗЫ,

«Egemen Qazaqstan»