Дүние есігін ашқан нәрестелердің саулығына 540 ақ халатты абзал жан қызмет етуде.⠀Қаладағы перинаталдық орталық 225 төсек-орынға шақталған. Түркістаннан өзге Кентау қаласы, Созақ және Отырар аудандарына, яғни 450 мың тұрғынға қызмет етеді. Перзентхана құрамында ересектер және балалар реанимациясы, екі босанғаннан кейінгі бөлімше, перзентхана, үш операциялық блок, жүкті әйелдер патологиясы, шала туған балаларды күту, диагностикалық палатамен қабылдау, гинекология бөлімшелері және консультациялық диагностикалық блок бар.
Одан өзге дайын дәрілік заттарды сақтауға арналған дәріхана, рентген сынды қосымша бөлімшелері де ашылған.⠀
Түркістан қаласы әкімі баспасөз қызметінің дерегінше, соңғы 5 жылда 39686 бала дүниеге келген. Перинаталдық орталықта қызмет көрсету сапасын жақсарту мақсатында жаңа заманауи аппаратуралар алынуда. Сондай-ақ акушер - гинеколог, реаниматологтар, Кореяда, Литвада, Мәскеуде және Санкт-Петербургте білімін жетілдіріп келген.
Түркістан облысы
