Аймақтар • 22 Мамыр, 2020

Мемлекеттік басқару академиясына қалай оқуға түсуге болады?

91 реткөрсетілді

Маңғыстау облыстық Сыбайлас жемқорлыққа қарсы қызмет департаментінің әлеуметтік желілердегі ресми парақшаларында «Президент жанындағы мемлекеттік басқару академиясына оқуға түсу» тақырыбында тікелей эфир өтті, деп хабарлады Маңғыстау облыстық Сыбайлас жемқорлыққа қарсы қызмет департаменті баспасөз қызметі.

Эфирге Президент жанындағы мемлекеттік басқару академиясының Маңғыстау облысы бойынша филиал директоры Айгүл Демеуова қатысты. Айгүл Амангелдіқызы осы жылы мемлекеттік басқару академиясына оқуға түсудің негізгі талаптарын айтып, көпшіліктің сұрақтарына тікелей эфирде жауап берді.

Онда мемлекеттік басқару академиясының білім беру бағдарламалары таныстырылды. Сондай-ақ, сұхбат барысында Айгүл Демеуова Президент жанындағы мемлекеттік басқару академиясына оқуға мемлекеттік қызметшілер ғана емес, қалауы бойынша азаматтарда түсе алатынын ол үшін арнайы талаптардың бар екенін жеткізді. Сондай-ақ, мемлекеттік грантқа ие болған оқуға түсушілер үшін шетелдік тағылымдамадан өту мүмкіндіктері қарастырылған.

Айта кетейік, 2018 жылы қаңтар айында жұмысын бастаған филиал мемлекеттік қызметшілердің біліктілігін арттыру, кәсібилендіру мақсатында оң өзгерістерге қол жеткізіп отыр. 2019 жыл бойынша мемлекеттік академияға 7 маңғыстаулық мемлекеттік қызметші оқуға түскен. Оның біреуі докторантура, қалғаны магистратура бағдарламасы бойынша білім алып отыр. Ал облыс бойынша биыл оқуға түсу үшін өтініштер келіп түскен. Нәтижесі ағымдағы жылдың тамыз айында белгілі болады.

 

Маңғыстау облысы

Соңғы жаңалықтар

Азияда COVID-19-дан өлім неге аз?

Коронавирус • Кеше

Ұқсас жаңалықтар