Бақытжан Сағынтаев: «Шетсіз қала» бағдарламасының басты қағидасы

Аймақтар • 22 Мамыр, 2020

Бақытжан Сағынтаев: «Шетсіз қала» бағдарламасының басты қағидасы - жайлылық

23 рет көрсетілді

Бүгін Алматы қаласының әкімі Наурызбай ауданындағы тұрғын үй құрылысының барысын тексерді

Бүгін қала әкімі Бақытжан Сағынтаев «Нұрлы жер» бағдарламасы аясында салынып жатқан тұрғын үйлер құрылыстарының қарқынымен және Алматының Наурызбай ауданындағы әлеуметтік мақсаттағы нысандардың құрылысымен танысты.

Жұмыс сапары барысында Б. Сағынтаев 1440 пәтерлі 20 үй құрылысының алғашқы кезеңі салынып жатқан «Шұғыла» тұрғын кешенінің құрылыс алаңында болды. «Нұрлы жер» бағдарламасы бойынша инженерлік коммуникациялар жүргізілді.

Қала әкімі құрылыс жұмыстарының сапасымен көріп, әлеуметтік инфрақұрылымдардың қадамдық қолжетімділігіне, аумақты абаттандыру мен көгалдандыруға айрықша назар аударуды тапсырды. Қаланың батыс бөлігінде тұрғын үй құрылысы көлемінің артуына орай жолдардың өткізу қабілетін жоспарлауға қатыстысты бөлек тапсырма берілді.

«Жайлы жағдай жасау – «Шетсіз қала» қағидатының басты мақсаты, оның аясында коммуналды инфрақұрылымдарды және аймақтарды абаттандыру бойынша ауқымды модернизациялау басталды», -деді қала әкімі.

Еске салсақ, өткен жылдың соңында «Шұғыла» ТК тұрғындарының өтініші бойынша пайдалануға берілген 14 үйге газ берілген еді, сол жылдың қараша айында осы тұрғын кешенінің тағы 16 үйіне газ тартылды. Сонымен қатар аулалар абаттандырылды.

Ауданда шамамен 1,5 мың оқушы орны жетіспейді. Ағымдағы жылдың соңында бүгінгі күні жүктемесі екі есе артқан №186 мектептің жанынан 600 орынды қосалқы нысан салу жоспарланған. Сонымен қатар, «Қалқаман» ықшам ауданында 1200 орынды және «Шұғыла» ықшамауданында 1500 орынды мектептер салу жоспарланған. «Ақжар» және «Таусамалы» ықшамаудандарында әрқайсысы 120 орынды бала бақшаларды күзде пайдалануға беру жоспарланған. Бизнестің әлеуметтік жауапкершілігі аясында заманауи спорт және балалардың ойын алаңдары салынды.