Аталған іс-шараға облыс әкімінің орынбасары Сәкен Қалқаманов пен облыстық мәдениет басқармасы басшысының міндетін атқарушы Әзімхан Серікұлы және мәдениет қызметкерлері қатысты. Еңбегі жоғары бағаланғандар қатарында облыстық мәдениет басқармасы мәдениет және өнер бөлімінің басшысы Гүл Советханқызы, айтыскер ақын Карима Оралова, Өмірбек Қонысбеков, Алмагүл Индемесова Мәдениет және спорт министрлігінің «Мәдениет саласының үздігі» төсбелгісімен марапатталды.
Сонымен қатар Ақтоты Рахметоллақызы бірқатар қызметкерге министрліктің Құрмет грамотасы мен Алғыс хатын да өз қолымен табыстап, марапат иелеріне ақ тілегін арнады. Шара соңында айтыскер ақын, халықаралық, республикалық ақындар айтысының жеңімпазы Карима Оралова көпшілік атынан алғысын білдірді.
