Жіберілген қателерді талдау мақсатында полицейлер тәртіп сақшылары мен азаматтардың қатысуымен желіге жарияланған бейнероликтерді қарап шығады.
Айтуларынша, мұндай тәжірибе полицейлердің кәсіби деңгейін арттыра отырып, сонымен қатар әр түрлі жағдайларда дұрыс шешім қабылдауға әсерін тигізеді және өз әрекеттерін талдау полиция қызметкерлерінің сөйлесу мәдениетін жоғарылатады.
Ішкі істер органдары қызметкерлерінің кәсіби дайындығы, тәрбиесі мен білімі басшылық құрамның басты назарында. Аталған жаңа жүйе тек облыс орталығында ғана емес, сондай-ақ, өңірдегі әр ауданда енгізілді.
