Бас қосудың басты мақсаты – жаһандану жағдайында қазақтың ғылыми тілін дамыту үшін ақпараттық технология терминдерінің ұлттық үлгісін жасау, жетілдіру, жүйелеу мәселелерін талқылау және шеттілдік терминдерді игерудегі сәтті тәжірибемен бөлісу.
Кейбір терминдердің түрлі баламада қолданылуы, яғни теледидар, газет-журналдарда, оқулықтар мен әдебиеттерде түрлі баламаларының қатар жүруі, оның ішінде сәтсіз баламалардың болуы шеттілдік терминдерді түпнұсқа түрінде қолдану қазақ тілін ғылым тілі ретінде дамытуға кедергі келтіруде. Осы орайда терминдердің бірізділігін сақтау – өзекті.
Онлайн-семинардың баяндамашылары ақпараттық технология саласындағы жекелеген терминдердің әртүрлі баламада қолданылу фактілеріне тоқталып, қолданыстағы шеттілдік терминдердің үлес салмағын азайтудың жолдарын ұсынады, авторлық қолданыстағы сөздер мен терминдердің ұлттық терминологияны жетілдіруге тигізетін әсері мен салдарын талқылайды.
Сондай-ақ семинарда сала мамандары мен жұртшылыққа әдістемелік жағынан қолдау көрсету көзделуде.
Іс-шараны сала мамандары, филологтар мен жоғары оқу орнының студенттері, жалпы жұртшылық www.termincom.kz сайтының YouTube каналынан көре алады.
