Аймақтар • 27 Мамыр, 2020

«Жұмыспен қамту жол картасы»: Жаңаөзенде жоба көп

157 рет көрсетілді

Жаңаөзенде жуық арада жасалуы тиіс жұмыс­тар аз емес. Маңғыс­тау облысының әкімі С.Трұмов мұнайлы қа­лаға іссапары бары­сында қаланың бір­қатар нысандарында болып, «Жұмыспен қамту жол картасы» бағ­дар­ла­масы аясында іске ас­ы­рылып жатқан инф­ра­құ­ры­лым­дық жоба­лардың са­пасын бақы­лап қала­ның абаттанды­ру жұ­мыстарымен танысты.

Жаңаөзендегі әйгілі желаяқ, «Ақмышта туып, АҚШ-та жүлде алған» Әмин Тұяқов атындағы орталық стадион 2008 жылы пайдалануға берілген болатын. Алайда, он екі жылдан астам уақыт бойы жаңаөзендік сапортсүйер қауым­ның құтты ордасына айналып, оларға сапалы қызмет көрсетіп келе жат­қан стадионға ашылғалы бері күрделі жөндеу жұмыс­тары жүргізілмеген. Биыл атал­ған спорт кешеніне «Жұ­мыс­пен қамту жол картасы» бағдарламасы аясында 200 млн теңге қаражат қарас­тырылып, стадиондағы 3000 орындық жаңаланып, халықаралық стандартқа сай төсеніш төселеді. Кешеннің 1250 метр аумағы тастан қа­шалған қоршаумен қор­шалып, айналасына 57 қуат­ты жарықшамдар орнатылып, жарық диодты шамдар­мен жарықтандырылады және периметрі бойынша 3900 шаршы метр жүгіру жолы салынады. Орталық стадиондағы жөндеу жұмыс­тары аяқталғаннан кейін Жаңа­өзендегі стадион облыс­тық «Каспий» футбол клубы­ның резервтік алаңы болмақ. Яғни, жөндеуден өткен алаң­ның бағы басқаша жанады – онда халықаралық дәре­жеде футбол ойыны өтк­і­зі­леді деп жоспарлануда. Бүгін­де құрылыс алаңында «Жұ­мыспен қамту жол картасы» бағдарламасы бойынша 50 адам жұмыс жасауда. Жаңғырған алаңның халықпен қауышар кезі де алыс емес – биылғы жылдың қазан айы.

Жаңаөзен қаласындағы қолға алынған істердің бірі – орталық саябағын абаттандыру және «Жұмыспен қам­ту жол картасы» бағ­дар­ламасы аясында қалаішілік автокөлік жолдарының орташа жөндеу жұмыстары. Бүгінде орталық саябақта су бұрқағын жөндеу және кі­ші архитектуралық формаларды орнату жұмыстары жүргізілуде. Ал қалаішілік 54 шақырым жол жөнделіп, автокөлік тас жолын салу жұ­мыстары да жоспарда. Сон­дай-ақ 220 оқушыға ар­налған және 110 орындық жатақ­ханасы бар, ағымдағы жыл­дың тамыз айында оқушылар игілігіне тапсырылатын Жаңа­­өзен Білім-Инновация лицей-нтернаты да қаланың әлеу­меттік саласына қосылар жаңа күш болмақ.

Жаңаөзендегі жаңалықтың бірі – бұрынғы туберкулез ауруханасының орнына жедел жәрдем бөлімі ғимаратын салу. Қайта құрылымдау жобасы «Жұмыспен қамту жол картасы» бағдарламасы аясында қайта қаржыландыруға ұсынылған. Жоба жүзеге асқан­да Жаңаөзен қаласы­нан бөлек, Қарақия ауданына қарасты Бостан, Сенек, Құ­ланды ауылдары тұрғын­дарының сұранысы толықтай орындалып, медициналық көмек ала алатын болады.

Жаңаөзен қаласының тұр­ғындарын ауыз сумен қа­м­­­тамасыз етіп, кәріз қыз­меті және қаланың абаттандыру жұмыстарымен айна­лы­­сатын «ӨзенИнвест» мем­­ле­кет­тік коммуналдық кәсіп­орны қала өмірінде ерекше мә­нге ие. Мемлекеттік автомо­биль жолдарын күтіп ұстау, спорттық-сауықтыру объек­тілерін, мәдениет және де­малыс саябақтарын күтіп ұстау, мемлекеттік меншік­тегі су шаруашылығы жүйе­лері мен құрылыс жайларын күтіп ұстау, пайдалану, жөндеу және реконструкциялау, сондай-ақ олардың қауіпсіздігін қамтамасыз ету қызметін атқаратын мекемеде барлығы 641 адам жұмыс істеуде. Олардың 350-і «Жұмыспен қамту жол картасы» бағдарламасы бойынша қабылданған. Деректерден белгілі болғандай, мекеме қаланы кешенді дамыту жоспары негізінде 542 млн теңгеге абаттандыруға қажетті 39 техникалар мен құрал жабдықтар алуға тапсырыс берген. Бүгінде шұңқыр қазатын, жол жиектерін сызатын бульдозер сынды 8 техника алынған.

– Жаңаөзен қаласында «Жұмыспен қамту жол картасы» бағдарламасы бойынша 39 жоба іске асырылуда. Ол – 3 млрд қаражат. Оған жол құрылысы, әлеуметтік нысан­дардың жөндеу жұмыстары жүргізіледі. Бүгінгі аралаған ны­сандардың барлығына қара­жаттары бөлініп, құжат­тар рәсімделуі аяқталған. Ен­дігі біздің мақсат – осы жұ­­мыс­тарды сапалы аяқтап, тұр­­ғындарды жұмысқа тарту. Бұдан бөлек, Жаңаөзен қала­сына қатысты Үкімет тарапынан қабылданған әлеу­меттік экономикалық жағ­­дайды дамытуға арналған кешенді жоспар бар. Осыған сәйкес қалада әлеуметтік объектілер іске асып жатыр. Жаңаөзен қаласында жұ­мыс­­сыздық мәселесі бас­ты назарда. Мәселенің оң ше­шімін табу үшін бірқатар жоба­лар іске асырылуда. Біз тұрғындарды жұмыспен қам­ту үшін «Жұмыспен қамту жол картасы» бағдар­лама­сы­мен және шағын және орта бизнесті қолдауға арнал­ған жеңіл несиелер беру ар­қы­лы жаңа жұмыс орнын құ­рамыз. Егер жастар Ақтау қаласында жұмыс жасаймын десе жатақханамен қам­тамасыз етіп, өндірістік мекемелерге тартуға болады, – деді С.Трұмов.

Маңғыстау облысы әкім­ді­гінің дерегіне сүйенсек, Жаңаөзенде қазіргі таңда 39 жоба іске асырылып жатыр екен. Жаңаөзендіктермен бір­ге жаңа жобалар іске қо­сы­лып, халықтың игілігіне жараған қуанышты күнді көруді күтеміз.

 

Маңғыстау облысы

 

Соңғы жаңалықтар

Янайкинге “нағыз қазақ”

Аймақтар • Бүгін, 21:48

Атырауда 42 көшеге жол төселеді

Аймақтар • Бүгін, 20:28

Алматы маңында жер сілкінді

Аймақтар • Бүгін, 16:10

Биыл Құрбан айт қалай өтеді?

Қазақстан • Бүгін, 10:17

COVID-19: Жерлеу қалай жүріп жатыр?

Қазақстан • Бүгін, 09:39

Ұқсас жаңалықтар