Аталған қожалықта бүгінде жалпы көлемі 650 гектар қарқынды бау жайқалып тұр. Оның 90 гектарын алма, 110 гектарын жүзім, 30 гектарын өрік, 370 гектарын шабдалы, шие, анар секілді жеміс-жидектер құрайды. Серіктестік агрономы Ерлік Сәдібековтың айтуынша, өріктің бағасы келісіне 700 теңгеден босатылуда.
«Біздің шаруа қожалық 2011 жылы 380 гектар жерге бау еккен болатын. Алғашқы өнімдерімізді 2013 жылдан бастап ала бастадық. Бүгінде өріктеріміз пісіп, жетіліп тұр. Негізінен Қазақстанға жеміс-жидек түрлері көбінде шетелден тасымалданады. Осы олқылықтың орнын толтыру мақсатында қолға алған ісіміздің бүгінде жемісін көріп отырмыз. Мәселен, бізде өріктің бір келісі базарлар мен сауда орындарында 600-700 теңге көлемінде саудалануда», дейді Ерлік Сәдібеков.
Түркістан облысы
