Олар жағдайы төмен отбасыларға, сондай-ақ ауруханаларда жатқан науқастарға азық-түлік себеттерін таратуда. Халықаралық «Қызыл жарты ай» қоғамдық қорының Көкшетаудағы ұйымы төтенше жағдай уақытында ерекше белсенділік танытуда. Карантин талаптары жеңілдетілгенімен, олардың жұмысы тоқтаған жоқ. Бүгінгі күнге дейін 300-ге жуық отбасын азық-түлік себеттерімен қамтамасыз етті.
– Германияның «Қызыл жарты ай» ұйымы әлеуметтік көмек көрсетуде. Көкшетау қаласындағы жағдайы төмен отбасыларға 100 жәшік азық-түлік бөлінді. Бұған дейін 180 отбасыға көмек көрсеткен болатынбыз. Біздің қатарымызға Көкшетау қаласының автоклуб жүргізушілері де қосылды. Олар азық-түліктерді жеткізуге көмектесіп жүр, – дейді «Қызыл жарты ай» қоғамы Көкшетау филиалының жетекшісі Асхат Уәйісов.
«Қызыл жарты ай» қоғамының волонтерлары алдағы уақытта Қытайдың қайырымдылық қорларынан да 100-ден астам азық-түлік себетін қабылдап алмақ. Бұл ұйым қиындыққа тап болған жандарға да қол ұшын созуда. Үйінен өрт шығып, баспанасыз қалған Аймұхановтар отбасына көмек көрсетті. Қазір олар гаражда тұрып жатыр.
«Қызыл жарты ай» қоғамы Аймұхановтар отбасына қомақты жәрдем көрсетуде. Азық-түлік, ыдыс-аяқ, киім-кешекпен қамтамасыз етті.
