«Кеше коронавирус жағдайына байланысты Үкіметте ведомствоаралық комиссияның отырысы өтті. Жалпы елімізде қазір 9300-ден астам адам коронавирус жұқтырған. Олардың жартысы, 4600-ден астамы індеттен емделіп шықты. Өкінішке қарай, 37 адам қайтыс болды. Қазіргі уақытта 4 653 науқас емделуде, олардың арасында 355 бала бар», деді Елжан Біртанов.
Оның айтуынша, науқастардың 85%-ының жағдайы жеңіл деңгейде. Олардың көбі симптомсыз тіркелген. Ал 13%, 543 науқас орташа жағдайда, 1,5%, 58 науқас ауыр жағдайда деп бағаланып отыр. 19 науқас өкпені жасанды желдетуге қосылған.
