Аймақтар • 27 Мамыр, 2020

Қызылорда облыстық ішкі саясат басқармасының басшысы тағайындалды

2068 рет көрсетілді

Қазақстан Республикасы Президенті Әкімшілігінің келісімі бойынша облыс әкімінің міндетін атқарушысының өкімімен Қазбекова Мира Жомартқызы облыстық ішкі саясат басқармасының басшысы лауазымына тағайындалды.

Мира Қазбекова 1984 жылы туған. Қорқыт Ата атындағы Қызылорда мемлекеттік университетін «Қазақ тілі мен әдебиеті пәнінің мұғалімі», Қызылорда қаласындағы «Болашақ» университетін «Заңгер» мамандықтары бойынша бітірген. 

Еңбек жолын 2005 жылы Мемлекеттік қызметшілерді және бюджеттік сала қызметкерлерін қайта даярлау және біліктілігін арттыру өңірлік орталығы баспасөз клубының маманы ретінде бастаған.

2005-2008 жылдары Қызылорда қаласы әкімі аппаратының жетекші маманы-баспасөз хатшысы, облыстық ішкі саясат департаментінің бас маманы қызметтерін атқарған.

2008-2017 жылдары қала әкімінің бас инспекторы-баспасөз хатшысы, қала әкімі аппаратының бөлім басшысы, облыстық мұрағаттар мен құжаттама басқармасы басшысының орынбасары болды. 

2017-2019 жылдары қалалық мәдениет және тілдерді дамыту бөлімінің басшысы, қала әкімі аппаратының басшысы лауазымын атқарған.

2019 жылдан осы кезге дейін Қызылорда қаласы әкімінің орынбасары қызметін атқарып келді.

 

Соңғы жаңалықтар

Шәміл

Тарих • Кеше

ZOOM акциялары қымбаттады

Технология • Кеше

Ұқсас жаңалықтар