Осы жылдың ақпанында ішімдік ішкен күйінде ол тағы да рөлге отырып, көлікті басқара алмай жол жиегіне түсіп кеткен. Мас күйінде рөлге отырудың өзі – қоғамға қауіпті екендігі ескеріліп, осы құқық бұзушылығы үшін ер адам ұсталып, аудандық полиция бөлімінің уақытша ұстау изоляторына қамалды. Оның бұрын да жол ережесін бірнеше рет бұзғаны үшін әкімшілік және қылмыстық жауапкершілікке тартылғанын ескере отырып, сот оны жуырда бір жылға бас бостандығынан айыруға үкім шығарды.
Облыстық Полиция департаменті бастығының орынбасары, полиция полковнигі Еңбек Сембиннің айтуына қарағанда үстіміздегі жылдың қаңтар айында мас күйінде көлік жүргізген жүргізушілердің жауапкершілігін қатайтқан заңнама қабылданғанда мұндай бұзушылықтар біршама азайған. Бірақ заңда елегісі келмейтіндер әлі де кездесіп қалады. Соның бірі осы, ата жасынан асып кеткен Мамлютка қаласының тұрғыны. Жалпы, жыл басынан бері облыста мас күйінде көлік жүргізуге қатысты 31 қылмыс тіркелген.
Солтүстік Қазақстан облысы
