Білім • 29 Мамыр, 2020

Үздіктерді шетел оқу орындары шақыруда

65 рет көрсетілді

Алматы қаласы физика-математика бағытындағы Назарбаев зияткерлік мектебінің оқушылары үшін биылғы жыл зор жетістіктермен ерекшеленді.

Мектептің 12L сынып оқушысы Нұр­жан Исабаев Американың Fordham University-нің грантына ие болып, Пенсильваниядағы Drexel University-нен де шақырту алды. Нью-Йорктағы Бостандық мұнарасы ғимаратында тағылымдамадан өткен Нұржан уақыт пен қаржы үнемдеуге бағытталған ұялы қосымшасын әзір­леумен айналысуда.

«Biomedical engineering» маман­дығы бойынша Norwich University-нің (АҚШ) білім грантына ие бол­ған 12-сынып оқушысы Айнұр Ал­кеева «Honors Program» беделді уни­верситеттік бағдарламасына тапсырып, әлемнің 25 үздік талапкерінің қа­тарына еніп отыр. Айнұр сондай-ақ, Purdue University, The University of Arizona, University of Houston, Fisher College және Whitworth University сияқты Американың 5 жоғары оқу орнынан шақырту алды. Айнұр Алкеева қазақстандық студенттер арасындағы пікір-сайыс турнирлерінің бірнеше дүркін финалисі, «Technovation» байқауының республикалық кезеңінің жеңімпазы, сондай-ақ «Hackathon» байқауы мен ЮНЕСКО клубы конфе­ренцияларының қатысушысы. БҰҰ-ның  Қазақстандағы өкілдігінде ерік­тілер тобында жүрген Айнұр  мектепте өзін өзі басқару жүйесінің мүшесі, «NIS Paper» мектеп газетінің авторы және «Exponenta Magazine» журналының негізін қалаушылардың бірі.

Ал 12-сынып оқушысы Аяжан Әлихан әлемдік 8 университеттен шақырту алды. Қазақстанның үздік оқушысына бірден ұсыныс жолдаған әлемнің 100 үздік университеттерінің қатарында Northwestern University (Doha, Qatar), Yonsei University (Seoul, SK), Yale-NUS College (Singapore), Koc University (Istanbul, TR), Fordham University (NY), Pace University (NY), Northwestern University (Chicago, IL), University of Miami (Miami, FL) бар. Тізімдегі  жоғары оқу орындарының төр­теуі толық грант, қалғаны жартылай грант ұсынып отыр.

Мектепте жобалық жұмыспен ай­налысатын Аяжан Әлихан меди­­ци­на мен экологиядан өткен респуб­ликалық конкурстардың, Санкт-Петербор пен Парижде өткен ха­лық­аралық конференциялардың жүл­дегері. «Youth for Understanding» америкалық коммерциялық емес ұйы­мында тағылымдамадан өткен. «Еnvision Scholars» танымал жазғы алмасу бағдарламасының қатысушысы. Академиялық жетістіктері үшін 2018 жылы Колумбия университетінің жаз­ғы бағдарламасына да  ұсынылған. Ая­жан Әлихан мектептің және Алма­ты қала­сының қоғамдық өмі­ріне де белсене араласады. БҰҰ мо­де­лі клубының (MUN club) негізін қалау­шылардың бірі. «Ерік­тілер лигасы» мен «Recycle Birge» әлеу­меттік қоғамдық қозғалысында волон­терлік тәжірибесі бар. Сондай-ақ «International Global Network» жас­тарды дамыту ұйымының белсенді мүшесі ретінде Малайзияның астанасы Куала-Лумпур мен Германияның Нюрнберг қала­сында өткен халық­аралық конфе­рен­цияларға қатысуға мүмкіндік алған оқушы.

Зияткерлік мектебінің 12-сынып  оқушысы Нұржан Мұсабеков University of Toronto (Канада) универ­ситетінің Lester B.Pearson School­ar­ship стипендиясы иегері атанды. Атал­­ған шәкіртақы бағдарламасы академиялық жетістіктерімен, дарынымен ерекшеленетін және өз мектептерінде көшбасшы болып табылатын студенттерге беріледі. Осы орайда бұл шәкіртақының үшінші жыл қатарынан Назарбаев зияткерлік мектептер желісінің оқушыларына тағайындалып отырғанын айта кету керек. Bentley University Президенттік грантын, ал Carnegie Mellon University шығындарын толық қаржыландыруды ұсынып отыр. Нұржан 9-сыныптан бастап мектептегі өзін-өзі басқару жүйесінің мүшесі. 11-сыныпта Мектеп президенті және UNESCO мектеп клубының төрағасы болған. 10-сыныпта достарымен «Nautica School» білім беру жобасының негізін қалаған.

Нұржан сонымен қатар TEDxAbaySt­ ұйымының мүшесі ретінде TEDxAbayStWomen және TEDdxYouthAbaySt конференция­ларын ұйымдастыруға қатысқан. Stanford Honors Academies бағдар­ламасы бойынша оқып, онда бизнес пен көшбасшылық салаларын зерттеп, Стэнфорд курстары аясында mvp (minimum viable product) – Қазақстан халқының әлеуметтік осал топтары арасында қаржылық сауаттылықты жақсарту жобасы бо­йынша жұмыс істей бастады. Соңғы оқу жылы басталар алдында Нұржан KPMG халықаралық компаниясында жазғы тағылымдамадан өтіп, бизнес мамандығы бойынша оқығысы келе­тініне көз жеткізді. Қазіргі кезде «360mentors» мансаптық орта­лы­ғында Нұржан менторлық қыз­мет атқарады. «7-сыныпта қиын іріктеуден қалай өткеніне таңғалған сенім­сіз бала болсам, бүгінде мықты академиялық базасы бар көшбасшы болып қалыптасып келемін. Мектеп­те алған білімім мен тәрбием мені шың­дады», деген Нұр­жанның өзі білім алған Назарбаев зияткерлік мектебі мен әріптестеріне алғысы шексіз.

 

Соңғы жаңалықтар

Ертең Үкімет отырысы өтеді

Үкімет • Бүгін, 15:17

Нұр-Сұлтан «сары аймаққа» қайта енді

Коронавирус • Бүгін, 10:41

Қазақстанда ломбардтар жабылады

Экономика • Бүгін, 10:30

Бүгін 1 наурыз – Алғыс айту күні

Руханият • Бүгін, 09:13

Бакуден ұшқан бұлбұл

Өнер • Бүгін, 06:57

Жұптық сында топ жарды

Спорт • Бүгін, 06:55

Жамбыл жылы жырлайды

Руханият • Бүгін, 06:53

Алты медальмен оралды

Спорт • Бүгін, 06:52

«Металлургпен» бақ сынайды

Спорт • Бүгін, 06:51

Ұқсас жаңалықтар