Аймақтар • 29 Мамыр, 2020

Ауылшаруашылық өнімдерін экспорттауға шектеулер алынып тасталды

15 рет көрсетілді

Осы жылдың 1 маусымынан бастап ауылшаруашылық өнімдерін экспорттауға барлық шектеулер алынып тасталады. Ауыл шаруашылығы министрі Сапархан Омаров осы жөніндегі бұйрыққа қол қойды. Бұл туралы АШМ баспасөз қызметі хабарлады.

Ауыл шаруашылығы мнистрлігінде ведомства басшысы бұйрықтарының әрекетін тоқтататын 2020 жылдың 2 сәуіріндегі  №111 «Қазақстан Республикасы аумағынан жекелеген тауарларды шығарудың кейбір мәселелері туралы» және 2020  жылдың 2 сәуіріндегі №123 «ҚР Ауыл шаруашылығы министрінің бұйрықтарына өзгертулер енгізу туралы», 2020 жылдың 14 сәуіріндегі «Қазақстан Республикасы аумағынан жекелеген тауарларды шығарудың кейбір мәселелері туралы»  нормативтік құқықтық акт әзірленді.

Экспорттық шектеулерді алып тастау туралы жаңа бұйрық 2020 жылдың 1 маусымынан бастап күшіне енеді.  Құжат ҚР АШМ ресми сайтында жарияланған.

Естеріңізге сала кетейік, бұған дейін Қазақстанда төтенше жағдайдың енгізілуіне және Мемлекет басшысының ішкі нарықта әлеуметтік маңызы бар азық-түлік тауарларының жетіспеушілігін болдырмау туралы бұйрығына байланысты, ҚР Ауыл шаруашылығы министрлігі азық-түлік қауіпсіздігі себептері бойынша және егін жинау алдында жеткілікті қорды сақтау мақсатында ауылшаруашылық экспортын уақытша реттеуді енгізген болатын. 

Соңғы жаңалықтар

Қай салада жалақы өсті?

Экономика • Кеше

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар