Аймақтар • 29 Мамыр, 2020

Сәтбаев университеті ең үздік техникалық ЖОО рейтингінде көш бастады

102 рет көрсетілді

Қазақстанның үздік техникалық университеттерінің ұлттық рейтингін тағы да Сәтбаев университеті бастап тұр. Білім беру сапасын қамтамасыз етуде тәуелсіз қазақстандық IQAA-Ranking агенттігінің бағамы бойынша Satbayev University университеті 99,35 балл жинаған. Бұл өткен жылмен салыстырғанда жоғары көрсеткіш.

IQAA рейтингі жан-жақты әрі академиялық белсенділікті, студенттердің үлгерім көрсеткіштерін, профессорлық-оқытушылық құрамның жұмысын, сонымен қатар жұмыс берушілердің беделі мен тәуелсіз сарапшылардың пікірлерін қамтиды. IQAA-Ranking үшін бастапқы деректерді университеттен алып, олар әр түрлі әдістер арқылы талданады. IQAA ақпараттың бір бөлігін университеттен тыс көздерден сұрайды.

Институционалды рейтингті есептеу әдістемесі бес компонентке негізделген, олардың үшеуінде Сәтбаев университеті ең көп балл жинады. Бірінші компонент  университеттің академиялық ресурстарының сапасын бағалау болып табылады. Ол баллдың жалпы санының 80 пайызын құрайды. Екінші компонент - жұмыс берушілер мен мемлекеттік органдардың әлеуметтік сауалнамасы негізінде университет қызметін бағалайды.

Осы жылғы зерттеуге университетте қазіргі уақытта оқитын студенттерді, түлектерді бағалау және олардың жұмысқа орналасу нәтижелері сияқты қосымша көрсеткіштер кіреді.

Электрондық пошта арқылы жүргізілген сауалнамаға 500-ден астам жұмыс беруші, 3000 студент пен 2000 түлек қатысып, бұл рейтингте Сәтбаев университеті ең көп ұпай жинады. Әдістемемен сілтемеде толығырақ танысуға болады.

Рейтинг қорытындысымен IQAA-Ranking агентсттігінің сайтынан танысуға болады және www.egov.kz порталында жарияланатын болады.

Соңғы жаңалықтар

Теріскейдің Самалы

Руханият • Кеше

Ұқсас жаңалықтар