Аймақтар • 29 Мамыр, 2020

«Аяла» қайырымдылық қоры мақтааралдық балаларды қуантты

469 рет
көрсетілді
1 мин
оқу үшін

Түркістан облысының әкімдігінен Мақтаарал ауданынан балалардың Қапшағайға келгенін және оларға киім керек екенін білген «Аяла» қайырымдылық қорының басшылығы әр баланың жасын, бойын және дене өлшемін ескере отырып, 251 жинақтама жасапты.

«Аяла» қайырымдылық қоры мақтааралдық балаларды қуантты

Жалпы қайырымды жандар 15 млн теңгеге 5-9 сынып оқушыларына 251 жинақтама киім, аяқ киім және кеңсе тауарлары салынған рюкзактарды  Алматы облысы Қапшағай қаласындағы «Балдәурен» республикалық оқу-сауықтыру орталығында демалып жатқан Мақтаарал ауданының балаларына табыс етті. Балаларға қонаққа қайырымдылық қорының басшылығымен бірге қуанышты көңіл-күй сыйлау үшін әйгілі «Jokeasses» командасының вайнерлері де келді. «Біз киімдерге қосымша мектепте оқуға қажеттінің барлығы салынған жақсы рюкзактар сыйлауды шештік. Демалыстың мұндай тамаша аяқталуы оларға жақсы көңіл-күй сыйлап, бүкіл жазға қуат берді деп үміттенеміз», дейді «Аяла» қорының президенті Айдан Сүлейменова. 

Еске сала кетейік, Мақтаарал ауданың балалары «Балдәурен» республикалық оқу-сауықтыру орталығында 2 аптадан бері демалуда. Олар ашық бассейнде шомылып, сауықтыру, спорт секцияларында тенниспен, садақ атумен, фитнеспен айналысады. Балалармен білікті педагог-психологтар жұмыс істеді. ТЖБ қашықтан тапсырып, оқу жылын сәтті аяқтады.

 

Түркістан облысы

Соңғы жаңалықтар

Су үнемдейтін қондырғы

Технология • Кеше