Конференцияны ашқан Қазақстан халқы Ассамблеясы Төрағасының орынбасары Жансейіт Түймебаев Қазақстанның Тұңғыш Президенті Елбасы Нұрсұлтан Назарбаевтың саяси қуғын-сүргін құрбандарына тарихи әділеттілікті қалпына келтірудегі көп жылдық қызметін атап өтті.
«Өз тарихын ұмытпайтын, бағалайтын және мақтан тұтатын халықтың болашағы зор. Өткенге құрметпен, бүгініне прагматикалық баға беріп, болашаққа сеніммен қарау – елміздің жаңа жетістіктерінің кілті » - екенін Нұрсұлтан Назарбаев баса айтқандай, Қазақстанның тарихи жадына қатысты саясат ешкімге қарсы бағытталмайды, бірақ біздің қоғамның ішкі рухани жұмысының өрісі болып табылады.
Елбасының этносаралық қатынастар саласындағы саясатының негізі де осы болды », - деді Жансейіт Түймебаев.
Президент Әкімшілігі басшысының бірінші орынбасары Дәурен Абаев саяси қуғын-сүргін мен ашаршылықтың Қазақстанға әсері туралы айтты.
«Бұл қолдан жасалған трагедия қазақ халқының генофонына орасан зиян келтірді, ата-бабаларымыздың ғасырлық жолын күштеп өзгертті, өмір сүрген ұрпақтарының жүрегінде терең із қалдырды. (...) Сол жылдардағы тағы бір қасірет бүкіл ұлттардың жер аударылуы болды. Қазақ жерінде олар жаңа отанын тапты және бүгінде біртұтас Қазақстан халқының құрамдас бөлігі болып табылады.
Сол жылдары жеке адамдардың, билік өкілдерінің теріс әрекеттерінің салдарынан Кеңес Одағының қаншама этникалық топтары зардап шекті. Өткен оқиғаларды жадымызда сақтай отырып, біз болашақтың жаңа прогрессивті тарихын жасай аламыз, оның құндылығы әр адамның өмірі », - деді Дәурен Абаев.
Ел тәуелсіздігінің алғашқы күндерінен бастап Нұрсұлтан Назарбаев сол жылдардағы тарихи оқиғаларды есте сақтауға ерекше көңіл бөліп отырғанын және Мемлекет басшысы Қасым-Жомарт Тоқаев бұл бағытты жалғастырып келе жатқанын айтты ол.
Интернет-конференцияға Ресей халықтары Ассамблеясы Кеңесінің төрағасы, Еуразия халықтары Ассамблеясының Бас хатшылығының меңгерушісі С.Смирнова, Беларусь Республикасы Ұлттық жиналысы Өкілдер палатасының депутаты П.Жданович, Ресей гуманитарлық ғылымдар университетінің президенті, Ресей ғылым академиясының корреспондент-мүшесі және тарих ғылымдарының докторы Э. Пивовар, сценарист, режиссер, «АЛЖИР» Отан сатқындары әйелдерінің Ақмола лагеріндегі тұтқынның немересі Л. Френкель Д. Виолина, Қазақстан Республикасы Президентінің Мұрағатының директоры Д.Әбдікадыров, Қазақстан Республикасы Парламентінің депутаттары, қазақстандық және шетелдік ғалымдар мен сарапшылар, қуғын-сүргіннің ұрпақтары, ҚХА мүшелері, ғылыми және шығармашылық зиялы қауым өкілдері, Ассамблеяның ғылыми-сараптамалық қауымдастығы, мемлекеттік органдар мен этномәдени бірлестік өкілдері қатысты.
