Аймақтар • 01 Маусым, 2020

«Батыс» өңірлік қолбасшылығы балаларды қалай қуантты?

27 рет көрсетілді

Халықаралық балаларды қорғау күніне орай «Батыс» өңірлік қолбасшылығы әскери қызметшілерінің балаларына онлайн режимде концерт ұйымдастырылды, деп хабарлайды аталған қолбасшылықтың баспасөз қызметі.

Әскери қызметшілердің бүлдіршіндері Халықаралық балаларды қорғау күніне арналған мерекелік онлайн концерт челленджін ұйымдастырды. Сақтық шараларын ескере отыра, әскери бөлім басшылықтары жыл сайынғы әскери бөлім аумағында өтетін қызықты да әсерлі мерекені, биылғы жылы онлайн форматында өткізуде.

- Қазақстан Республикасы Қорғаныс министрлігінің әскери қызметшілердің отбасыларымен жұмыс жасау басқармасының бастауымен, әрбір гарнизондардағы бүлдіршіндерге онлайн форматтағы концерт туралы үндеу жарияланды. Осы концертке 50-ге жуық қатысушылар өз өнерлерін жіберді. Біреулері, сурет салса, біреулері ән айтып, өлең оқыды. Іріктелген үздік жұмыстар, Қарулы Күштердің байқауына жіберілді, ал әскери бөлім басшылықтары бүлдіршіндерге тәтті силықтарды тарту етті. Біз үшін баланың күлкісі мен қуанышқа толы жанары әлемдегі ең үлкен байлық, дейді «Батыс» өңірлік қолбасшылығының  әкімшілік басқармасының бастығы подполковник Ермұхамет Кудеров.

Аталған форматтағы концерттер осымен соңғы айларда үшінші рет өткізіліп жатыр. Алдында олардың тақырыбы «Менің әкем Отан қорғаушысы», «Жеңіс күні» болды. Бала көңілінен сыңғырлан дауыспен шыққан әндер мен өлеңдер барлық әскери қызметшілерге жігерлік пен жақсы көңіл күй сыйлады.

Соңғы жаңалықтар

Салмағы 92 грамдық принтер

Технология • Бүгін, 13:30

Ұқсас жаңалықтар