Қазақстан • 03 Маусым, 2020

Бүгін еліміздің басым бөлігінде найзағай жарқылдап, жаңбыр жауады

405 рет
көрсетілді
1 мин
оқу үшін

​«Қазгидромет» РМК 3 маусымға арналған ауа райы болжамын жариялады.

Бүгін еліміздің басым бөлігінде найзағай жарқылдап, жаңбыр жауады

Республика бойынша атмосфералық ауа ағындардың өтуіне байланысты кей жерлерде найзағай жарқылдап, жаңбыр жауады. Кей жерлерде жел күшейеді, батыста шаңды дауылмен, солтүстікте түнде және таңертең тұман түседі.

Қызылорда, Атырау, Ақтөбе, Қостанай, күндіз Батыс Қазақстан, Қарағанды, Шығыс Қазақстан облыстарының кей жерлерінде жел 15-20 м/с жылдамдықпен соғады. Атырау облысында шаңды дауыл болады.

Ақмола, Павлодар, Солтүстік Қазақстан облыстарының кей жерлерінде түнде және таңертең тұман күтіледі, Ақмола облысының кей жерлерінде жел 15-20 м/с күшейеді.

Алматы, Жамбыл, Түркістан, Ақтөбе, Қызылорда, Атырау облыстарында, Маңғыстау, Қарағанды облыстарында қатты ыстық сақталады.

Қызылорда, Павлодар облыстарында, Ақмола, Шығыс Қазақстан облыстарының кей жерлерінде, Жамбыл, Түркістан облыстарының солтүстігінде, Ақтөбе облысының оңтүстігінде өте жоғары өрт қаупі күтіледі.