Парламент • 03 Маусым, 2020

Сенаторлар қылмыстық заңнаманы жетілдіру мәселесін қарады

4 рет көрсетілді

Сенаттың Конституциялық заңнама, сот жүйесі және құқық қорғау органдары комитетінің кеңейтілген отырысы өтті. Онда Әкімшілік рәсімдік-процестік кодекстің жобасын және оған қатысты өзге де заңнамалық актілерге енгізілетін өзгерістер қаралды.

Сенаторлар сондай-ақ атқарушылық іс жүргізу мен қылмыстық заңнаманы жетілдіруге бағытталған өзгерістер мен толықтыруларды талқылады. Бұл туралы Сенаттың баспасөз қызметі хабарлады.

Кодексті бекітудегі негізгі мақсат – азаматтардың басқарушылық шешімдерді қабылдау процесіне шынайы қатысуына мүмкіндік беретін кепілдемелерді бекіту, билік органдарымен дау-дамай туындаған жағдайда және оны қарау кезінде азаматтардың құқығын қорғаудың тиімді тетіктерін айқындау болып отыр.

Әкімшілік рәсімдік-процестік кодексті қабылдау еліміздің өзге де заңнамалық актілеріне өзгерістер мен толықтырулар енгізуді қажет етеді. Осы себепті «Қазақстан Республикасының кейбір заңнамалық актілеріне Қазақстан Республикасының әкімшілік рәсімдік-процестік заңнамасы мәселелері бойынша өзгерістер мен толықтырулар енгізу туралы» заң жобасына сәйкес 75 заңға, оның ішінде 10 кодекске түзетулер енгізілетін болады.

Сенаторлар сонымен қатар Парламент депутаттары бастамашы болған атқарушылық іс жүргізу және қылмыстық заңнаманы жетілдіру мәселесін қарады.

Заң жобасының негізгі мақсаттарының бірі – жала жабу бабын декриминализациялау болып табылады. Еліміздің Президенті Қ.Тоқаев Ұлттық қоғамдық сенім кеңесінің отырысында Қылмыстық кодекстің 130-бабын декриминализациялау туралы шешімнің қабылдануына бастамашы болғаны белгілі.

Аталған заң жобасы азаматтар мен заңды тұлғалардың атқарушылық өндіріс кезіндегі құқығын қорғауды және іске асыруды, мүліктік құқықтарын қорғауды қамтамасыз етеді, сондай-ақ қылмыстық және әкімшілік заңнаманы жетілдіруге ықпал етеді.

Заң жобаларын қарау нәтижесінде комитет төрағасы Владимир Волков олардың қабылдануы сот орындаушылары қызметінің қарқынды дамуын қамтамасыз ететінін, мәжбүрлі орындаудың және конституциялық сөз бостандығының іске асырылу тиімділігін арттыратынын, бұл өз кезегінде еліміздегі демократиялық процестердің дамуына оң ықпал ететінін атап өтті.

Заң жобалары Палата отырысына жолданды.

Соңғы жаңалықтар

COVID-19-дан барлығы 375 адам қайтыс болды

Коронавирус • Бүгін, 08:54

Жауапкершілік танытайық

Пікір • Бүгін, 07:35

Табиғатты аялауға үйретейік

Экология • Бүгін, 07:30

Отандық өндіріс көлемі артады

Медицина • Бүгін, 07:19

Атырауға жедел жәрдем керек

Аймақтар • Бүгін, 07:13

Қарға адым жер мұң болған...

Қоғам • Бүгін, 06:40

Айя Софияда азан шақырылады

Руханият • Бүгін, 06:35

Салмағы 92 грамдық принтер

Технология • Кеше

Ұқсас жаңалықтар