Аймақтар • 04 Маусым, 2020

Түркістандық ардагерлер арнайы қорға 1,5 миллион теңге аударды

417 рет
көрсетілді
1 мин
оқу үшін

Жуырда шымкенттік ардагерлер тасқын судан зардап шеккен Мақтаарал ауданындағы ағайынның хал-жағдайын сұрап қайтты.

Түркістандық ардагерлер арнайы қорға 1,5 миллион теңге аударды

Шымкент қалалық ардагерлер кеңесінің төрағасы Исамудин Рысбай бастаған, Досыбай Шерімқұлов, Өстемір Битөреев, Әбдіжаппар Оңалбаев сынды есімдері елге белгілі азаматтар ұйытқы болып, аға буын жинаған бір жарым миллион теңгені арнайы қорға аударды. Аудандағы қазіргі жағдайға қанықты.

Еліміздегі қандай да бір қиындық, ол бірлігімізді нығайтады, бауырмал ел екенімізді көрсетеді, дейді ардагерлер.

«Үшінші мегаполистің төрт ауданында мекендейтін және есепте тұратын 80 мыңнан астам зейнеткер елдегі жаңалықтар мен өзгерістердің барысын үнемі қадағалап отырады.  Бұл сапарымызда бұқара халықтың жағдайымен танысып, ондағы шаруаны бағамдап, қолымыздан келгенінше көмектесу міндеті тұрды. Ауыл тұрғындарымен кездесіп, ой бөлістік, ақсақалдық ақыл - кеңесімізді айттық», дейді қалалық ардагерлер кеңесінің төрағасы. Ал кезінде ұзақ жылдар «Мақтаарал» кеңшарын басқарған Әбдіжаппар Оңалбаев су басқан егістік алқаптарды қалпына келтіру жұмыстарын жүйелі жүргізуге ықпал ететін гидротехник-су мамандарын, агроном, ауыл шаруашылығы инженерлерін көптеп тарту қажет деп есептейді. «Жүрегінде иманы бар кез келген адам Алла алдындағы қасиетті парыздың бірі қайырымдылық деп біледі. Мақтааралға сапарымызда, біз әрине, ең алдымен қиындыққа тап болған жандарға жақсылық жасауды басты мақсат еттік. Бұл біздің өңір халқының басына түскен ауыр нәубет, үлкен сын, ал, сынақты жеңе білу – баршамыздың міндетіміз һәм парызымыз», - дейді Әбдіжаппар ақсақал.

 

Түркістан облысы

Соңғы жаңалықтар

Су үнемдейтін қондырғы

Технология • Кеше