Қазақстан • 04 Маусым, 2020

«Менің Қазақстаным» фотобайқауы жарияланды

44 рет көрсетілді

«QazaqGeography» республикалық қоғамдық бірлестігі «Менің Қазақстаным» атты жыл сайынғы фотобайқауын жариялайды. Байқау Қазақстанның экологиясына арналған және қоғамның назарын біздің ұлан-байтақ еліміздің табиғатына аудару және оны сақтау қажеттілігі, туған елге деген сүйіспеншілікті тәрбиелеу және табиғи байлыққа ұқыпты, жауапты қарым-қатынасты қалыптастыру мақсатында өткізіледі.

Абдрахман Диас, «Тәтті қыз», 2018 жылғы байқаудың бірінші орын иегері

Фотобайқаудың тақырыбы – табиғаттың сұлулығы мен осалдығы. Байқауға қатысушылар өз жұмыстарында таза табиғатты да, экологиялық қауіп-қатерден көз жұмған табиғатты көрсете алады. Міндетті шарт - барлық суреттер Қазақстанда жасалуы тиіс.

Байқау барлық жастағы әуесқой және кәсіби фотографтар үшін ашық.

Әр қатысушы келесі санаттар бойынша 10 фотосуретке дейін ұсына алады:

  • Қазақстанның флорасы мен фаунасы
  • Қазақстанның табиғаты
  • Қазақстанның экологиясы мен қоршаған ортасы

– Біз заманауи, креативті және резонанстық, күрделі, ерекше және әдемі жұмыстарды ынталандырамыз. Алайда қоршаған ортаға қамқорлық жасауды бастауға және адамзаттың табиғат алдындағы жауапкершілігін арттыруға  үндейтін жұмыстарды бағалаймыз, – дейді ұйымдастырушылар.

Фотосурет жұмыстары 2020 жылдың 30 тамызына дейін қабылданады.

Ең үздік жүмыстар «Экология және жасыл өсім саласындағы ынтымақтастық» тақырыбында Көкшетау қаласында өтетін Қазақстан мен Ресейдің өңіраралық ынтымақтастығының халықаралық форумы аясында қойылады. Байқау жеңімпаздары біздің сайт пен әлеуметтік желілерде жарияланады. Сондай-ақ электрондық пошта арқылы хабарланады.

Фотобайқауға қатысу үшін qazaqgeography.kz сайтында тіркеліп, қоғамның мүшесі болу қажет. Мүшелік QazaqGeography іс-шараларына қатысуға эксклюзивті мүмкіндік береді. Жыл сайынғы мүшелік жарна ересектер үшін 2000 тг, оқушылар, студенттер мен зейнеткерлер үшін – 500 тг. Байқауға 18 жасқа толған QazaqGeography мүшелері не кәмелетке толмаған қоғам мүшелерінің ата-аналары, қорғаншылары немесе аға достары қатыса алады. QazaqGeography қоғамына кіру және қатысу шарттары туралы толығырақ qazaqgeography.kz.  сайтынан білуге болады.

QazaqGeography бес бағытта жұмыс істейді: география, климат; қоршаған орта, табиғат ресурстары; биоалуантүрлілік; туризм, саяхат, өлкетану; тарихи-мәдени мұра, этнография. Қазіргі уақытта Қазақстанда 11 өкілдік ашылған.

Соңғы жаңалықтар

Ресей азаматтары алғыс айтты

Аймақтар • Бүгін, 21:45

Ұқсас жаңалықтар