Эко-амбассадор жасанды көлге халықаралық мәртебе беруді сұрайды

Аймақтар • 04 Маусым, 2020

Эко-амбассадор жасанды көлге халықаралық мәртебе беруді сұрайды

45 рет көрсетілді

Эко-амбассадор Әділбек Қозыбақов «Жер бетіндегі өмірді қорғау» атты 2020 жылғы Дүниежүзілік жабайы табиғат күні тақырыбына қайта орала отырып, Расмсар Конвенциясы туралы ұғымды және осы маңызды халықаралық құжаттан Қазақстан табиғаты үшін пайданы журналистерге түсіндіріп өтті.

Гүлайым ДӘУІТБАЙ

Оның айтуынша, 1971 жылдың 2 ақпанында Иранның Рамсар қаласында негізінен суда жүзетін құстардың мекендейтін жері ретінде халықаралық маңызы бар сулы-батпақты жерлер туралы Конвенция немесе Рамсар Конвенциясы қабылданды. Қазақстан бұл 2007 жылы күшіне енді. Бүгінгі таңда Қазақстанда халықаралық маңызы бар сулы-батпақты алқаптардың 10 нысаны бар, жалпы ауданы 3 281 398 га.

Орталық Азиядағы Рамсар конвенциясының қағидаттарын ілгерілету үшін бес ел (Қазақстан, Қырғызстан, Түркіменстан, Өзбекстан және Тәжікстан) арасындағы ынтымақтастық пен өзара іс-қимылды күшейту арқылы 2016 жылы Орталық Азияның Рамсар өңірлік бастамасы құрылды.

-Үлкен аумақты экспресс-бағалау жұмыстарына менімен бірге Маңғыстау облысының табиғи ресурстар және табиғат пайдалануды реттеу басқармасы басшысының орынбасары Есенқос Әділбаев пен Ақтау қаласының химия-биология бағытындағы Назарбаев Зияткерлік мектебі директорының орынбасары Бақытгүл Жақсылықова қатысты. Бізге кеңестік кезеңнен кейінгі кеңістіктегі ең беделді ғалым-орнитологтардың бірі, РРИ-ОА үйлестіру комитетінің төрағасы, профессор Эльдар Анверович Рустамов баға жетпес консультациялық көмек көрсетті, бұл сол үшін оған ерекше алғыс білдіреміз, деді Әділбек Қозыбақов.

Еске сала кетейік, ағымдағы жылдың 3 ақпанында Нұр-сұлтан қаласында «Еріктілер жылы» аясында Экология бойынша қауымдастықтар мен волонтерлердің слёті өтті. Маңғыстаулық эко-волонтер, биолог Әділбек Қозыбақов Маңғыстау облысы бойынша «ресми амбассадор» болып сайланған болатын.