Экономика • 05 Маусым, 2020

Коронавирус Қазақстанның сақтандыру нарығына қалай әсер етті?

47 рет көрсетілді

COVID-19 пандемиясының экономикалық салдары қазақстандық сақтандыру компанияларының қызметіне сақтандыру тәуекелдеріне қарағанда көбірек әсер етеді. Бұл туралы S&P Global Ratings жаңа есебінде айтылған.  

Коронавирустық пандемияның экономикалық және қаржылық салдары, мұнай бағасының төмендеуі және қаржы нарықтарындағы тұрақсыздық алдағы 12-24 айда қазақстандық сақтандыру компанияларын сын тезіне алғалы тұр. S&P Global Ratings сарапшылары  қазақстандық сақтандыру компанияларының рейтингі, олардың рейтингі деңгейіне жеткілікті капиталдандыру көрсеткіштеріне байланысты «тұрақты» болып қалатынын айтып жатыр. 

Олардың болжамдары бойынша, қазақстандық сақтандыру компанияларының жалпы сақтандыру саласындағы өсу перспективалары 2020 жылы төмен болып,   2021 жылдан бастап қалыпқа келе бастайды.

«Біз 2021 жылы қалпына келтіруді болжаймыз, бірақ бұл негізінен макроэкономикалық жағдайды жақсартуға, жеке тұлғалардың сатып алу қабілеттілігін арттыруға және экономикалық белсенділікті арттыруға байланысты болады. Біз 2020-2021 жылдары өмірді сақтандыру саласындағы өсу перспективаларына оң баға беруді жалғастырамыз, 2020 жылы 15% -ға жуық өсуді болжаймыз, бұны реттеуші органның бірқатар бастамасы қолдайды», - деп жазады авторлар.

Сонымен қатар S&P Global Ratings таралу жылдамдығына және коронавирустық инфекцияның таралу шыңына жетуге кететін уақыттың белгісіздігінің жоғары деңгейіне баса назар аударады. «Кейбір елдердің үкіметінің пікірінше, пандемияның шыңы 2020 жылдың ортасында болады, және біз осы болжамның негізінде пандемияның экономикалық және несиелік салдарын бағалаймыз. Біз COVID-19 вирусының таралуын тежеу ​​жөніндегі шаралар әлемдік экономиканы құлдырауға итермеледі деп санаймыз. Жағдайдың дамуына қарай біз өз болжамдарымыз бен болжамдарымызды қайта қарастырамыз» делінген S&P Global Ratings хабарламасында.

Соңғы жаңалықтар

Атырау облысында балық қырылды

Экология • Бүгін, 16:11

Базалық мөлшерлеме көтеріле ме?

Экономика • Бүгін, 13:43

2757 адам коронавирустан жазылды

Коронавирус • Бүгін, 09:51

Алматы облысы «сары» аймаққа өтті

Коронавирус • Бүгін, 09:17

Ұқсас жаңалықтар