Коронавирус • 06 Маусым, 2020

Клиникалық белгілері жоқ коронавирус тасымалдаушылары туралы статистика жарияланады

992 рет
көрсетілді
1 мин
оқу үшін

Бұған дейін де Денсаулық сақтау министрлігі күн сайын коронавирус инфекциясын жұқтырған адамдар бойынша статистика жүргізіп келді. Аталған статистикада COVID-19 вирусын жұқтырған — ауру белгілері бар және клиникалық белгілері жоқ адамдар есепке алынды. Бұл туралы ДСМ баспасөз қызметі хабарлады.

Клиникалық белгілері жоқ коронавирус тасымалдаушылары туралы статистика жарияланады

Бүгіннен бастап барлық ресми дерек көздерінде коронавирус инфекциясы бойынша ауру белгілері бар және клиникалық белгілері жоқ вирус тасымалдаушылар бойынша статистика жеке-жеке жарияланады.

Бұл халықаралық тәжірибе және түрлі елдерде қолданылып келеді. Бұлай бөлудің себебі — симптоматикалық емдеуді қажет ететін науқастардың саны бойынша жағдайды көрсету. Сонымен қатар COVID-19 ауруының клиникалық белгілері жоқ адамдар айналасындағыларға елеулі эпидемиологиялық қауіп төндіреді.

Бүгінгі таңда Қазақстанда тестілеу кезінде күн сайын анықталып жатқан жағдайлардың 60%-ға жуығы — бұл инфекцияны симптомсыз тасымалдаушылар екенін атап өткен жөн.

Елімізде коронавирус инфекциясының таралуының алдын алу мақсатында COVID-19 ауруының клиникалық белгілері жоқ тасымалдаушыларды бақылау жалғаса бермек.